AMED - Amed de seba pîrozbîyayîşê Newroze ya “Dem demê serkewtişî yo” bi sloganê "Bê serek ciwîyayîş nêbeno” verê xo dayî wareyê Newroze. 

 

Newroza 2022yîne bi sloganê "Dem demê serkewtişî  yo" Amed de yeno kerdiş. Newroza Parkê Newroze ya Rêzanp Amedî de yeno kerdiş. Seba pîrozbayîyê Kongreya Komela Demokratîke (KCD), Tevgerê Cinîyan ê Azadan (TJA), Partîya Demokratîke ya Şaran (HDP) û Partiya Herême Demokratîke (DBP) û şarê qezayan û merkezê seferberbî. 

 

Seba pîrozbayî şarî serê sibayî ra keyeyê xo ra vejîyayî û verê xo dayî meydanê pîrozbayî. Qezaya Baglarî şar bi cil û belgê xo yê kurdewarî vejîyayî taxe û bi dawul û zirne rayrayîş kerdî. Cinî, ciwanî û tutî bi rengê kesk, sûr û zerd rayîrê ver bi meydanî şîne xemilnayî. Sewbîna wesayîtê derûdorî zî bi korne paştdayîşê raywanan kerd. 

 

Sewbîna ewro wendekaran mekteban boykot kerdî û verê xo dayî meydan. 

 

Qezaya Peyasî de zî bi seyan kesî bi cilê rengîn verê xo dayî Meydanê Newroze. Şar bi dahol û zirne govende kerd û sloganê, "Bê Serek ciwîyayîş nêbeno”, "Biciwîyo xoverdayîşê zindanan" berz kerdî. Tewrbîyayîşê zêde yê ciwanan bale anceno serê xo. 

 

5 hetî ra kewenê meydan

 

Bi hezaran kesê ke xo resnayî Parkê Newroze yê pîrozbayî yeno kerdiş 5 hetan ra cigêrayîş yeno kerdiş û kewenê meydan. Cigêrayîşê ke ame kerdiş de hacetê taybet yê sey qeleme, çakmak destdayî ser. Bi hezaran kesê ke cigêrayîş ra derbas bî meydan de dest bi gonvende kerdî. Yê ke paweyê cigêrayîşî yê seba bikewê meydan zî sloganê "Biciwîyo Serek Apo" û "Cinî ciwîyayîş azadî" berz kenê.

 

Astengkerdişê seba cil û belgê kurdî

 

Mudurîyê Polîsan ê Amedî ke bîlasebeb wazeno astengîyan vejê zî cayê cigêrayîş ame kerdiş seba cil û belgê kurdî astengî vetî. Xeylêk siyasetmedar, rojnameger û kesê ke cil û belgê kurdî dayî xo ra nêkerdî meydan.

 

 Eynî polîsan helwestê xo cayê bîn yê cigêrayîşî zî nîşan da.

 

Do qiseykerdiş bikerê

 

Newroza Amedî ke Hunermend Devrîm Demîr û Ozcan Ateş pêşkêşwanî kenê, do Hemserekê KCDyî berdan Ozturk, Hemsereka DBPyî Salîha Aydenîz, Hevsereka Pêroyî ya HDPyî Pervîn Buldan, serê nameyê Koma Kurdistanî Serekê Pêroyî yê Partiya Azadî Ayetullah Aştî do qisey bikerê.

 

Bi sloganan govende kerdî

 

Bi hezaran kesê ke meydan de kom bî, verê sloganê govende kenê, polîsê ke kewtî meydan, waştî ciwanê ke sloganan berz kenê destbend bikerê. Nê ciwanî ver bi barîkatan de şî û sloganê, "Biciwîyo Serek Apo" berz kerdî. Seba polîsan waşt serê sahne de zî muzîk bigîrê heta qiseykerdişan asteng bikerê mabêne înan û komîteyê amadekar ê Newroze de serebût vejîya.