ŞENGAL - Adirê Newroza 2022yîne hetê welatijê Şengalî ra bi girseyî ame tavistiş. 

 

Welatijê Şengalî seba pîrozkerdişê Newroza 2022yîne her cayê Şengalî de bi şahîyê girseyî adirê Newroze tavistî. Girseyê ke tewrê tavistişê adirê Newroze bî, dîyar kerdî ke Newroza emsar do biba Newroza azadîya Rayberê PKKyî Abdullah Ocalanî. 

 

Sewbîna bawerîya êzidî de adir pîroz yeno vînayîş û yeno vatiş ke tarîxê êzidiyan de Newroze pîroz kerdêne û heta qewlê ke çekûya Newroze ci de derbas benê estê. Labelê seba fermanê ke resayê 74 fermanî, serê komelê êzidîyan de ameyo kerdiş, bi demî dir êzidî Newroze xo ra dûr vistê. Û êdî sey roşanê xo zî nêvînenê.

 

La dimayê fermanê 3yê Tebaxa 2014ine de komelê Êzidî hêdî hêdî coşê serkewtişê Newroze û adirê ci ya pîroz ayidê xo vînenê.

Vizêr şan de bi desan êzidiyê Şegalî seba Newroze pîroz bikerê kom bi kom ko û deştê Şengalî kom bibî û bi coşêk pîl adirê Newroze tavistî.

 

Serê koyanê Şengalî de adirê ke nîşaneyê serkewtişî yo, eynî demî de bawerîya êzidî de pîroz yeno vînayîş ame wekerdiş û dorê ci de şarê Şengalî govende kerdî.

 

Pîrozbayîş de sloganê, “Newroza serkewtişî” û “Newroza Azadiya Rayber Abdullah Ocalan” qîr kerdî û xo serê adirî de eştî. 

 

Şayîya şewa Newroze bi gêrayîşê govendan peynî bi.