KOBANÊ - Bi wesîleyê Roşanê Newroze, ciwanê Herêma Firatî bi coşêke pîl adirê Newroze tavistî.

 

Bi desan ciwanan ê Herêma Firatî, bi coşêke pîl herikyayî meydanan û adirê Newroze tavistî. Dima ra rayrayîş ame kerdiş. Rayrayîş de alê Tevgerê Ciwanan ê Şorişgêr ê Sûrîye, pankartê bi nuşteyê “Serra serkewtişî de bêrê cengê azadîye” û meşaleyî amebî wedaritiş. Temamê sazgeh û dezgehê Îdarekarîya Xoser beşdarê rayrayîşî bî. Sewbîna govende derûdorê adirê Newroze de ameye gernayîş. Rayrayîş kaşê Miştenûrî de dest pêkerd bi berzkerdişê sloganê, “Biciwîyo serek Apo”, “Biciwîyo xoverdayîşê şarê kurdî” ver bi goristanê Şehîd Dijle de dewam kerd û uca de vindertî. Sewbîna serê nameyê Tevgerê Ciwanan ê Şorişgêran ê Sûrîye de qiseykerdiş ame kerdiş.

 

‘Ma do heta peynî xo ver bidê’ 

 

Qiseykerdişî de wina ame vatiş: “Ma roşanê Newroze heme şarê kurdî û aştîwaştoxan pîroz kenê. Sey her serre do emsar zî adirê xo tafînê û azadîye qetî bikerê. Ma roja bîyayîşê şaran Rayber Apo û têkoşerê azadîye mibarek kenê.”

 

Rayrayîş bi sloganê, “Biciwîyo Serek Apo”, “Newroze pîroz bo” peynî bi.