Sema Çaglak

 

AMED - Hunermend Nûarîn, bale ant serê cezakerdişê hunermendan ke seba wareyê Newroze de bi kurdî deyîran vatê û dîyar kerdî ke hemverê tedayê serê kultur û hunerê kurdî ê do wareyê Newroze de bê. 

 

Newroze seba şarê Kurdî hemverê zilmî serewedaritiş û newebîyayîş o. Seba nê her serre Newroze bi coş û kelecanêke pîl çar hetê Kurdistanî de yena pîrozkerdiş. Sewbîna Newroze de xeylêk hunermendanî zî hetê roja ewro seba deyîranê xo pêşkêş bikerê wareyê Newroze de cayê xo girewtê. Xeylêk hûnermendê kurdî seba ke bi kurdî deyîran vatê, tewrê pîrozbayî bîyê, ameyê cezakerdiş û hîn înan ra zî zîndanan de yenê tepiştiş. Deyîrbaze Nûarîne derheqê babete de ajansê ma rê qisey kerd.

 

‘Demê serkewtişî ame’ 

 

Nûarîne sere de Newroza Şarê Kurdî pîroz kerd û vat: "Ganî emsar bibo serra Rayberî. Ganî Newroza emsarî xîtabê ruhê demî bikero. Seba nê bi sloganê, 'Dem demê serkewtişî yo’ do emsar Newroze bêro pîrozkerdiş. Sey tîya zî ameyo vatiş, demê serkewtişî ameyo. Sere de Kurdistan de temamê dinya de  têkoşînêk bê hempa esto. Do şarê kurdî bi nê zanayîşî vejîyê wareyan.”

 

‘Xeylêk hunermendî seba deyîranê kurdî zîndanan de yê’ 

 

Nûarîne dewam de wina vat: “Senîn ke serranê 90an de bi sereştişê sazgehê kultur û hunerî rê hewl ame dayîş vernîya xebatanê Kurdî bêro padayîş. Ciwanê ke waştî kuçeyan deyîranê kurdî deyîran vajê, ameyî tepiştiş û bi hêrişan dir rî bi rî mendî. Seba ke zanê hunermendî rayberê nê şarî yê û hêriş kenê. La ma reyna sere nêtewênê û xebatê xo tewr zêde dewam kerdî. Xeylêk embazê ma nika zîndanan de yenê tepiştiş. Sebebê nê zî seba ke bi ziwanê xo deyîran vanê. Sazîyê ma yê kultur û hunerî yenê padayîş û xebatê ma yenê astengkerdiş. La ma haydar ê hemverê kulturê ma qirkerdişêk pîl ameyo destpêkerdiş.”

 

‘Newroze hemverê Dehakan serewedaritişê Kawa yo’

 

Nûarîne wina qal kerd: “Yê ke wareyê kultur û hunerî de xebityenê tu wext peyser game nêerzenê. Ganî heme kes bi no hawa nêzdîyê Newroze bibo û la wayîr vejîyê. Ma hunermendê kurdî vernîya 10 kesan bê zî yan vernîya bi mîlyonan kesan bê zî kelecanê ma timî esto. Newroze hemverê Dehakan serewedaritişê Kawa yo. Şarê Kurdî çar parçeyê Kurdîstanî xo ver danê û têkoşînêk bêhempa danê. Ganî ma zî goreyê nê têkoşînî girs bikerê û paştdayîş bidê xoverdayîş.”

 

‘Dem demê serkewtişî yo’

 

Nûarîne, vat, ganî heme kesî roja Newroze vejîyê wareyan û vat: “Ez zî vana, 'Dem demê serkewtişî yo.’  8ê Adare de rojê kurdî cewabêke baş dayî sîstemê bîyaye. Ganî bi nê coşe Şarê Kurdî seba azadiya Rayberî biherikîyê wareyan. Ma baş zanê ke ganî Newroze de zî do nê sîstemê serdestî ra cewabêke baş bêro dayîş.”