DÊRSIM - Pêwa hawayê serdî zî welatijê Dêrsimî saetanê serê siba de keyeyê xo ra vejîyayî û herikyayî meydanan.

 

Welatijê Dêrsimî binê vewre de vejîyayî û meydanê Newroze pirr kerdî. Dêrsim de hawayê serdî vernîya coşê Newroze nêgirewt. Seba pîrozbîyayî Meydanê Seyîd Riza yê Dêrsimî bêro kerdiş, Dêrsimijî bi cilanê xo yê kurdî herikyayî meydan. Ciwanê ke awanîyê HDPyî kom bî, bi deyîran û gernayîşê govende paweyê saeta pîrozbayî mendî.

 

Welatijê Dêrsimî hetêk bîn ra zî Kuçeyê Hunerî de kom bî. Welatijan şalgerdan û lepikê bi rengê kesk û sûr û zerdî berz kerdî. Bi def û zirna pîrozbayî dest pêkerd.

 

Partîyê sîyasî, endamê sendîkayan û rêxistinê komelê sîvîl pêwa girseyî derbasê cayê pîrozbayî Meydanê Seyîd Riza bî. Vernîya kortejê wendekarê Unîversîteya Mûnzûrî bi pankartê "Tarîxê merdimayî bi cinîyan dest pêkeno" ca girewt. demê rayrayîşî de sloganê, "Bê Serek ciwîyayîş nêbeno", "Tepişteyê  şorişgêrî rûmetê ma yê","Biciwîyo xoverdayîşê zîndanan" ameyî berzkerdiş.