AMED - Îddeanameyê hetê Serdozgerîya Komare ya Amedî ra seba rojnamegere Nûrcan Yalçin ameya amadekerdiş de heta 15 serrî ceza ameye waştiş.

 

Çarçewaya cipersayîşê hetê Serdozgerîya Komare ya Amedî ra amebi destpêkerdiş de 4ê sibate de polîsan eştibi serê rojnamegere Nûrcan Yalçine û Nûrcane destbend kerdibî. Nûrcane bi şerdê kontrolê edlî 7ê Sibate de ameya veradayîş. Dozgerîye derheqê Nûrcane de bi bahaneyê "Hetkarîya bi zanayîşê sebq  rêxistine” îddianemeyê amade kerd. 

 

Roportajê ke serdemê pêrodayîşê Sûrî Nûrcane girewtibî, sey sebebê sûc ame ramojnayîş.

 

Dozgerî derheqê Nûrcane de bi bahaneyê "Hetkarîya bi zaneyîş ya rêxistine"15 serrî ceza waşt. 

 

Îddianame ame amadekerdişê hetê 5in Dadgeha Cezaya Giran ya Amedî ra ame qebûlkerdiş û roniştişê ewil do 17ê Gulane de bêro vînayîş.