Medya Uren-Şîrîn Çinar 

 

AMED - Aktivîsta TJAyî û endama Meclîsî ya Cinîyanê HDPyî Hasret Alp, têkilîyê hadrekarîyê cinîyan ê seba Newroze wina vat: "Emsar serra serkewtişî ya. Ma seke cinîyan seba serkewtişî bi rihê 8ê Adare ver bi Newroze ra herikîyenê. Ma do têreyde govenda xo ya têkoşîne geş bikerê." 

 

Newroza emsar de bi sloganê 'Wext wextê serkewtişî yo.' Bi serekîya Kongreya Komeleya Demokratîke ya Şaran(HDP), Kongreya Demokratîke ya Şaran(HDK), Hereketê Cinîyanê Azadan(TJA) û Partîya Demokratîke ya Şaran(DBP) do bêro pîrozkerdiş. Cinîyê TJAyî dimayê pîrozîya 8ê Adare, ver bi Newroze şinê. Aktivîsta TJAyî û endama Meclîse ya Cinîyan ê HDPyî Hasret Alp, têkilîyê hadrekarîyê cinîyan ajansê ma rê bi erjnayîşê xo pare kerdî. 

 

‘Ma do adirê yewbîyayîşî gurr bikerê’

 

Hesrete destpêkerdişî de têkilîya muhîmîya Newroza emsarî de qisey kerd û vat: "Newroze roşanê mîyanneteweyî ya û roja yewbînîye ya. Ma do goreyê manaya roje amancê xo bikerê yewîyîya neteweyî û adirê yewbîyayîşî gurr bikerê. Hetê nê de zî seke ma di deklerasyonî de zî pare kerd ke ma do serê çende nuqteyê muhîmî de xebatê xo bidê rayîrşîyayîş û Roşanê Newroze pîroz bikerê. Ma di prosesê muhîmî de derbas benê. Hêrişê zafhetî serê ma de yenê kerdiş. Ma do serê bidestvistişê statuya Şarê Kurdî de vinderê. Nê dir girêdaye, duştê hêrişê serê Bakurê Kurdistanî û Rojawanê Kurdistanî de yeno ca, ma waşt, ma serê sînorî de wurdî hetan, qezaya Elkî de bi adiro yewin ê Newroze wekerê. Ma di 15ê Adare de startê Newroze weyra de da û heme şaristananê xo de ma do adirê xo gurr bikerê." 

 

‘Ma do manîyîyan nas nêkerê’

 

Hasrete, hadrekarîyê ke kerdê de wina dewam kerd: "Senîn ke 8ê Adare de bi hereket û coşêke pîl ma xebatê xo kerdî, ma bi nê coşî zî derbasê Newroze benê. Bi xusûsî zî serrê vîyarteyî ver ra şert û mercê janê koronayî, seba weşîyîya şarî, ma seke partî nêwaşt pîrozîyan organîze bikerê. Par zî pîrozîya ma kerde xeylêk bi sînore bî. Seke ma waşt ma nêeşkayî xebatan bidê kerdiş. La belê emsar ma tu manîyîyan nas nêkenê. Bi xusûsî ma serê Amedî de vajê, bi pêroyî 17 qezayê Amedî estê û do heme qezayanê ma de xebatî bêrê kerdiş. Şaritan, qeza, şaristanikî û keçeyan de zî hadrekarîyê ma estê. Bi xusûsî zî di cepeyê cinîyan de zî ma xebatê verhîra danê kerdiş." 

 

'Ma bi vindertişêk organîze bibê verpers' 

 

Hesrete bale ante serê nuqteyê ci ke do di Newroze de vejîyê vernî û vat: "Ma seke Şarê Kurdî têkoşînêke wextderg û dekerde bedel danê. Xusûsî zî di nê 40 serrê peynî de seba nasnameyêke azad, têkoşînêka pîle yena dayîş.  Ma zî vanê do emsar sloganê ma serkewte bo. Ma do netîceyê têkoşîna xo dest bifînê. Seke ma sere ra zî ard ziwan serbabetê  ma yê emsar muhîm ê. Yewîyîya Neteweyî, azadîya Birêz Abdullah Ocalanî, hêrişê serê Başurî û Rojawanê Kurdistanî de, krîzê ekonomî, zêdebîyayîşê qetlîamê cinîyan do masajê muhîmî bêrê dayîş. Duştê nê yewî de ma do bi yewîyî û vindertişê xo yê organîzeyî bibê verpers."

 

‘Bi rihê 8ê Adare ver bi Newroze’ 

 

Hesrete dewamîya qiseyanê xo de bi xusûsî bale ante serê hadrekarîyê cinîyan û wina dîyar kerd: "Bi sloganê 'Wext wextê azadîya cinîyan o'  û  'Ma do bibedilnê, hêza ma esta'  dir menga Sibate ra dest bi xebatê xo yê 8ê Adare kerd. Mitîngî ra pêvînayîşê pîlî ameyî ca. Ma prosesêke hêza cinîyan a ke vet meydan, ardî ca. Ma bi reng û coşê xo dir  heme şaristan kerd 8ê Adare. Ma do bi nê hêzê xo dir zî ver bi meydanê Newroze ra biherikîyê. Duştê polîtîkayê lîşinî de û o îqtîdaro bîyaye de, ma  8ê Adare de vindertişê xo mojna ra û ma mesajê Newroze zî pare kerdî. Do Newroze bi rengê ma bi coş bibo." 

 

‘Govenda têkoşînî geş bikerê’

 

Hasrete veng kerd û dîyar kerd ke govenda têkoşîne geş bikerê û wina peynîyê qiseyanê xo ard: "Polîtîkayê îqtîdarîya AKP-MHPyî serê nîjadperestî û çinîhesibnayîşê Şarê Kurdî de rayîr şinê. Seba bêtesîrîya faşizmî rayîro tewr sereyîn organîzebîyayîş o. Duştê faşizmî de ma do zî bi organîze û bi yewîyî sere wedarê. Ma têreyde tewirê govenda xo ya têkoşîne bibê û Newroze geş bikerê."