EDENE- Ceyhan de adirê Newroze ame wekerdiş û vengdayîşê tewrbîyayîşê pîrozbayîya 21ê Adare ame kerdiş.

 

Newroza emsar ke do bi sloganê, "Dem demê serkewtişî yo" bêro kerdiş, do 21ê Adare de Ceyhan Belediyeevlerî ya Edeneyî de bi girseyî bêro pîrozkerdiş. Partîya Demokratîke ya Şaran (HDP) pêwa Meclîsê Dadîyê Aştîye, do banê awanîya Rêxistina Qezaya Ceyhanî ya partîye adirê Newroze kerdî we. Endamê partîye bi deyîran dorê adirî de vindertî û sloganê, "Biciwîyo Newroze" berz kerdî.

 

Hemserakê HDPyî yê Qezaya Ceyhanî Seyfettîn Aydemîr da zanayîş ke Newroze şexsê Şarê Kurdî de mîyanê heme şaran de roşanê azadî û xoverdayîşî ya û veng da şarê bajarî ke 21ê Adare pîroz bikerê.