KOBANÎ - Bi munasebetê serewextê Qirkerdişê Helebçeyî, Îdarekarîya Xosere ya Mintiqaya Firatî û Unîversîteya Kobanî deqeyêke rêz girewt.

 

16ê Adare ya 1988î de Qirkerdişê Helepçeyî ame ca. 34 serrî yo ke no qirkerdiş ameyo ca û bi hezaran Kurdî ameyî qetilkerdiş û 10 hezar Kurdî birîndar bî.

 

Îdarekarîya Xosere ya Mintiqayê Firatî û Unîversîteya Kobanî seba merdimê ke Qirkerdişê Helebçeyî de dinyaya xo bedilnayî, deqeyêke rêz girewtî. Dimayê rêzgirewtişî, serê nameyê Îdarekarîya Xosere de qiseykerdiş ame kerdiş.

 

'Duştê îşxalkerdişî de ma xoverdayîş pîl kenê'

 

Îdarekarîya Xosere qiseykerdişê xo de bale ante serê Qirkerdişê Helepçeyî û wina vat: "No qirkerdiş Helepçe de ame ca, amancê ci çinîkerdena Şarê Kurdî bî. Qetilkerdiş û qetlîamo seke nê, seba çinîkerdena Şarê Kurdî bî. No sîstemo ke serê herdê Kurdistanî de yo her tim hêriş keno. Seke yeno vînayene ke, no tena qirkerdişo yewin nîyo. Tarîxê Kurdistanî de; Amed, Dêrsim û xeylêke cayanê Kurdistanî de duştê Kurdan de qirkerdiş kewto vîyartbarîye. Vindertişê ma yo ke duştê qirkerdişê Kurdan de zî tîya de qetîyen keno ke ma wayîrê heqî û nasnameyî yê. Ma do her tim zî duştê îşxalkerdişî û qetilkerdişî de xoverdayîşê xo pîl bikerê."