ANQARA - Derheqê avûkatê keyeyê Dedeogullari Abdurrahman Karabulut de seba parekerdişê Twitterî û eşkerayîyê derheqê dewa de cipersayîş ame destpêkerdiş. 

 

Tetikkêş Mehmet Altun 30ê Temmuza 2021ine de qezaya Meramî ya Konyayî de hêrişê 7 ferdê keyeyê Dedeogullari kerd û înan qetil kerd. Derheqê avûkatê dewaya keyeyî Abdurrahman Karabulut de 3 cipersayîşê cîya ameyî destpêkerdiş. Cipersayîşê hetê Serdozgerîya Komare ya Konyayî ra ame destpêkerdiş, derheqê Abdurrahmanî de 3 cipersayîşê cîya da destpêkerdiş. Cipersayîş bi sebebê parekerdişê Twitter û eşkerayîyêke  Abdurrahman dayo de ameyê destpêkerdiş. Vatişê Abdurrahmanî hetê serdozgerî ra sey “sûc” ameyî vînayîş.

 

‘Dewlete berpirsiyarî nê qirkerdişî ya'

 

Abdurrahman çarçewaya cipersayîşî de îfade da. Abdurrahmanî dîyar kerd ke eşkerayîyê ci çarçewaya dosyeyan de bi belgeyan sabît ê û vat: “Mi sey avûkatê keyeyî 17ê Hezîrana 2021î û 17ê temmuza 2021 de dozgerî ra waşt ke keye bêro pawitiş. Dewlete û selahîyetdarê dewlete, waştişê ma hemine bêcewab verda û coka mi tetikkêş û berpirsiyarê qirkerdişî dî û û ez o wina bivînî zî. Mi derheqê nê caardişan, derheqê selahîyetdaran de gerreyê dozgeran û HSKyî kerd.  Dewlete berpirsiyarê nê qirkerdişî ya."

 

Abdurrahman dîyar kerd ke demo ke ey çarçewaya cipersayîşî de îfade dayo, tawanbariyê serê xo red kerdo.