RIHA - Keyeyê Şenyaşarî çalakîya ewro de veng da Hetkarê Wezîrê Karê Zerî yê Tirkîya Muhterem Înce ke Pirsûs de fotograf antibi û wina vat: “Gelo dîmenê  kamerayê nêweşxaneyî ça de yê?”

 

Merdim û pawitoxê parlamenterê AKPyî Îbrahîm Halîl Yildiz 14ê hezîrana serra 2018ine de hêrişê dikanê keyeyê Şenyaşarî yê Pirsûsî kerd. Hêriş de mêrdeyê dadîya Emîne Şenyaşar û di lajê ci ameyî qetilkerdiş. Lajê ci Ferît Şenyaşar zî qirkerdiş ra bi birîndarî xelas bi. Seba tepiştiş û muhakemekerdiş û veradayîşê Fadil Şenyaşar, dadîya Emîne Şenyaşar û lajê xo Ferît Şenyaşar 9ê adara 2021ine de verê Edliyeyê Rihayî de dest bi çalakîya Nobeta Edaletî kerdî. Çalakîya keyeyî roja 370ine de dewam kerd.

 

Peynîya hewteyî de berê edlîye padaye yo coka zî keyeyî çalakîya xo keyeyê xo yê Pirsûsî de dewam kerd. Keyeyî serê medyaya dîjîtale de fotografê Hetkarê Wezîrê Karê Zereyî yê Tirkîya Muhterem Înce ke verê Kitabxaneyê Şarî yê Pirsûsî de antibi pare kerd û vat: “Waliyê ma û Hetkarê Wezîrî Pirsûsî yo. Gerek no fotograf verê berê, ‘Nêweşxaneyê Dewlete ya Pirsûsî’ amebi antiş. @muhteremince nêweşxane de hîrê merdimî ameyî înfazkerdiş. Gelo hetkarê wezîrî qet kesê ke verê xo de yê persê, qeydê kamerayê nêweşxaneyî ça de yê? Kerd. Şar bendeyê nê cewabî yo.”