Rabîa Onver

 

COLEMÊRG - Dadîya Aştîye Gulçîn Karaburk ke Gever de ciwîyena dîyar kerd ke Gever de bi mengan verê amadekarîyê Newroze yenê kerdiş û vat: "Zerrîya mi de kelecanêke pîl ya Newroze esta. Seke ez newe bêrî dinya. Ez bawer kena ke do emsar Newroze bi kelecanêke pîl derbas biba. Newroza emsarî yê her serre ra tewr zêde xurt derbas bibo.”

 

Emsar 72 merkezê cîya bi şîarê ‘Dem demê serkewtişî yo' do  Newroza 2022 de bi ca bêro û startê Newroza emsar Amed û Stenbol de ame dayîş. Yew bajarê ke pîrozbîyayê Newroze bi coş û tewrbîyayîşêk pîl yeno kerdiş Colemêrg o. Merkezê bajarî de 20ê Adare de, Gever de zî do 21ê Adare de Newroze bêro pîrozkerdiş û amadekarîyê Newroze bi lez dewam kenê. Cinîyê bi mengan o ke seba Newroze xo amade kenê, cil û belgê xo yê adetî zî bi mengan verê deştê. Endama Meclîsê Dadîye Aştîye ya Geverî Gulçîn Karaburk dîyar kerd ke kelecan, moral û kêfê ke Newroze dayo hîs kerdo û vat, do bi nê hîsan meydanan de bê.

 

‘Ma do bi coşêke pîl pîroz bikerê’

 

Gulçîne dewam de wina vat: "Emrê mi her çiqas aver şêro zî kelecanê Newroze tu wext zerrîya mi ra kêm nêbi û tim zerrîya mi de yo. Ma emrê ciwan de hema Newroze rê xeylêk dem mendêne ma cilan  amade kerdêne. Nika zî ma amadekarîyê xo kenê. Dadîyê ma werd amade kerdêne. Ardêne wareyê Newroze. Ma tîya pîya werdêne. Nika her çî qedexe kerdê. Ma nêeşkenê awe zî bişimnê. Her çiqas qedexeyan bidê verê ma zî ma do sey verê bi coş û kelecanêke pîl wareyan de bê.

 

‘Bi cil û belgan tewr zêde weş benê'

 

Gulçîne qiseykerdişê xo wina dewam kerd: "Emsar zî sey her serranê bînan ma cilanê xo derzna. Seba ke ma kulturê xo dewam bikerê, her serre ma bi rojan vernîya Newroze cilanê xo amade kenê. Meydanê Newroze bi cil û belgê adetî tewr zêde weş benê. Zerrîya mi de kelecanêke pîl ê Newroze esto û seke ke newe ameya dinya.  Newroza emsar do bi coşêke pîl derbas bibo. Ma do heme wareyan pirr bikerê."

 

‘Heta serek azad nêbo ma zî azad nêbenê'

 

Gulçîne tewr peyîn wina vat: "Ma do azadîya serekê xo meydanê Newroze de reyke bîn bîqîrê. Seba  tecrîd wurzo, ma do reyke bîn pîya vengê xo berz bikerê. Ma wazenê tecrîdê serê serekîya ma û heme zîndanan de bêro wedaritiş. Ma do  wareyan de bîyarê ziwan. Ma do  aştî û azadî wazenê. Ma merg nêwazenê. Heta serek azad nêbo komel zî azad nêbeno."