MERKEZÊ XEBERAN - TJK-Eyî çalakîyê 8ê Adare silam kerd û vat: "Ma bi ruh û coşê 8ê Adare ke açaryayo roşanê neteweyî yê cinîyan, biresnê Newroze. Dem demê azadîye yo, demê cinîyan o."

 

Tevgerê Cinîyan ê Kurdan ê Ewropayî (TJK-E) eşkerayîyêke nuşteyî weşan kerd û bale ant serê pêşwazîkerdişê 8ê Adare.

 

Eşkerayî de ame neqlkerdiş ke 8ê Adara 2022yî Kurdistan ra heta Latîn Amerîka, Ewropa ra heta Bangladeşî, DYEyî ra heta Nîjerya sewîyeyêka berz de ame pêşwazîkerdiş û wina vatî: "Cigêrayîşê teberê sîstemî tewr zêde dîyar bi. Cinîyan goreyê xoserîya cografya ci de yê ders û mesajê girîng dayî sîstemê bi serweriya camêrd û dewlete û îqtîdarê ci. Hêz, rêxistinbîyayîş û perspektîfê xopawitişî yê tevgerê azadîye ya cinîyan ê Kurdistanî temamê dinya de tewr zêde hetê cinîyan ra ame vînayîş. Nika ra tepya cepheyê cinîyan ke hîs û waştiş û xoverdayîşî de hempar bîyê, tewr zêde bêrê birêxistinkerdiş. Bi vatişke bîn ganî ver bi 'şorişê cinîyan' de bêro viraştiş.

 

Seke Tevgerê Cinîyan ê Kurdan ê Ewropayî ma 8ê Adare bi sloganê 'Xo ver bide, xo birêxistin bike û azad bibe' pêşwazî kerd. 25ê Teşrîna Peyêne Roja Têkoşînê hemverê Şîdetê Cinîyan heta 9ê Çeleyî, 15ê Sibate heta 8ê Adare ma sewîyeya çalakîyanê xo berz kerd.

 

Pêwa Almanya, Fransa, Swîsre, Belçîka, Hollanda, Îngilistan, Awûstûrya, Swêd, Danîmarka, Norwêc û Fînlandiyayê Kanada, Qibris û Awûstralyayî zî cinîyê Kurdî herikyayî meydanan.

 

Cinîyê Kurdî bi tilîlî, cilanê neteweyî, erbane, dahol, govenda xo pêşengîyê çalakîyên 8ê Adare rê kerdî, mohrê xo dayî çalakîyan ro. Sloganê, 'cinî, ciwîyayîş, azadî' temamê Ewropa de hetê cinîyan ra sey sloganêke dinya ame qîrayîş ke ma bi nê serberz bî. Eynî wextî de berpirsyarîyê ma pîl kerd.

 

Ma bi ruh û coşê 8ê Adare ke açaryayo roşanê neteweyî yê cinîyan, biresnê Newroze. Dem demê azadîye yo, demê cinîyan o."