STENBOL - Keyeyê Rayberê PKKyî Abdullah Ocalanî û keyeyê Omer Hayrî Konar, Hamîlî Yildirim û Veysî Aktaş ê ke zîndanê Îmraliyî de yê, semedê pêvînayîşî muracat kerd.

 

Birayê Rayberê PKKyî Abdullah Ocalanî Mehmet Ocalan û warisê ci Mazlûm Dînçî muracatê Serdozgerîya Komare ya Bûrsayî û miduriyetê zîndanî kerd. Keyeyanê tepişteyan ê bînan ê Îmraliyî ra birayê Omer Hayrî Konarî Alî Konarî, birayê Hamîlî Yildirimî Polat Yildirim û waya Veysî Aktaşî Melîhe Çetîn zî bi rayîrê avûkatanê xo seba pêvînayîşî muracat kerd. Keyeyan sewbîna seba pêvînayîşê bi rayîrê Serdozgeriya Komare ya Bûrsayî muracatê Midûriyetê Zîndanê Îmraliyî kerd.

 

Cewab nîno dayîş

 

Avûkatanê Abdullah Ocalanî, seba ke bi muwekîlê xo dir pêvînayîş bikerê, hewte ra 2 muracatan kenê, la nê muracatê avûkatan ne negatîf ne zî pozîtîf nînê cewabkerdiş. Avûkatan tewr peynî 8 serran da dima 2-22ê gulane, 12-18ê hezîrane û 7ê tebaxa 2019î de muwekîlê xo reyde pêvînayîş kerdbi. Cewab nêdîyeno muracatê pêvînayîşan.

 

Pêvînayîş birnayî

 

Avûkatanê Abdullah Ocalanî ra Rêzan Sarica û Newroz Uysal, dimayê 8 serrî mabêne 2-22ê Gulane, 12-18ê Hezirane û 7ê Gulana 2019 de şîbî Îmrali. Abdullah Ocalan 22 serrî yo Zîndanê Tîpê F yê Îmraliyî de tena 2 rey bi telefon keyeyî dir qisey kerd. Abdullah Ocalan ke 22 serrî yo tecrîd de yo, reya ewil 27ê Nîsana 2020 de tena 20 deqîqeyan bi telefon dir qisey kerd. Tewr peyîn serê îdeayê medyaya komelî de vila bî, dimayê reaksîyonê komelî 25ê Adara 2021 de Edliyeyê Rihayî de tena 4.5 deqîqeyan bi rayîrê telefonî birayê xo Mehmet Ocalanî dir qisey kerd û telefon nîme de amebê birnayene.