RIHA - Keyeyê Şenyaşarî di çalakîya ewro ya 'Nobeta Edaletî' de no mesaj vila kerd: "Ciwîyayîşêke adilane û birûmet û pîroz o.  Pêwa heme tehda û zordarîyan verê edlîyeyî de ro ma ameyêne kerdiş zî ma tu reyêke sereçewtîye nêkerd."

 

Merdim û pawitoxê Parlementerê AKPyî Îbrahîm Halîl Yildiz, 14ê Hezîrane ya serra 2018ine de hêrişê dikanê keyeyê Şenyaşarî yê qezaya Pirsûsî de kerd. Hêrişî de mêrdeyê dadîya Emîne Şenyaşar û di lajê aye amebî qetilkerdiş. Lajê ci Ferît Şenyaşar zî bi birîndarî xelesîya bî. Seba tepiştiş û muhakemekerdişê qatilan û veradayîşê Fadil Şenyaşarî, dadîya Emîne û lajê xo Ferît Şenyaşarî  9ê Adare ya 2021î de verê Edlîyeyê Rihayî de dest bi çalakîya 'Nobeta Edaletî' kerdî. Çalakîya keyeyî roja 368 rojî de  dewam kena. Emîne Şenyaşare ver ra problemanê weşîyîye, nobete keyeyê xo yê Pirsûsî de domna û lajê aye Ferît Şenyaşar zî saetê serê sibayî de ame verê berê Edlîyeyî Rihayî.

 

Ferît Şenyaşar, cayê ke seke 'Quncikê Keyeyê Şenyaşarî' yeno naskerdene, bi pankartê "Mêrde û di lajê mi nêweşxane de ameyî qetilkerdiş! La merdimêk nêame tepiştiş! Fermanê serdestan dir lajê mi no 4 serrî yo hucreya yewmerdim de yeno tepiştiş. Wazena ke lajê mi di wextêke tewr nizdî de bêro veradayîş. Seba Kayeyê Şenyaşarî û heme kesî edalet." daliqnayî û dest bi çalakîya xo kerd.

 

Derheqê babete de serê hesabê xo yê medyaya dîjîtalî de fotografê serdayîşê Serekê Yewîya Baroyê Tirkîya (TBB) Erînç Sagkin û serekê baroyê herême pare ker dû vat: "Cuyêka adilane û birûmet, pîroz a. Pêwa heme tedayan verê edlîyeyî de ma rê ameyê kerdiş zî ma tu wext sereyê xo nêtewênê. Têkoşînê ma yê edaletî, waştişê ma heme merdiman birûmet o. Kesê ke hemverê nê zilmî xo bêvengî de dayê ro, rî xo de nêvînenê ke vejîyê mîyanê komelî.