ÎZMÎR - Menemen de cinîya bi nameyê Emîne Sapmaz keyeyê xo de ameye qetilerdene. Wina pawîyeno ke camêrdê bi nameyê Munur Sapmazo ke mêrdeyê Emîne yo, dima ke a qetil kerda, xo kişto.

 

Qezaya Menemenî ya Îzmîrî de dima ke Merale N. kênaya xo Emîne Sapmaz (52) ra wextêk xebere nêgirewte xebere daye polîsan. Bi nê hawayî eşkera bi ke Emîne keyeyê xo de ameya qetilkerdene. Cenazayê Emîne Sapmaz û Munur Sapmaz keyeyê înan de ameyî dîyene. Cigêrayîşan de eşkera bi ke Munur Sapmaz pê çeke merdo û bedenê Emîne de zî rêçê derban estê.

 

Wina yeno texmînkerdene ke camêrdê Munur Sapmazo ke mêrdeyê Emîne yo, dima ke a qetil kerda, xo kişto.

 

Cenazayî wedarîyayî morgî.