Rayberê PKKyî Abdullah Ocalan 23 serrî yo binê tecrîdê giranî de yeno tepiştiş û bêşik tecrîdo ke Îmralî de yo tesîr serê heme zîndanan û komele de kerdo. Zîndanan de binpaykerdişê heqan roj bi roje zêdeyêr benê û bêvengîya selahîyetdaran zî duştê nînan de dewam kenê. 

 

Aktivîsta TJAyî Remzîye Tek, derheqê tecrîdî de erjnayîş kerd. Remzîye eşkera kerd ke wexto Abdullah Ocalan ardo Tirkîya rojê înan tarî bîyo û vat şarê Kurdî xoverdayîşê ke verî mojnawo ra, ganî duştê polîtîkayê tecrîdî de zî bimojno ra û wina vat: "Serrêke yo Abdullah Ocalanî ra malûmat nîno girewtiş. Tena nê şarê Kurdî, ganî heme dinya duştê nê de vejîyo. Ma rewşa ey meraq kenê. Ma wazenê ey ra malûmat bigîrê." 

 

'Xelesnayîş Abdullah Ocalanî dir mimkun o' 

 

Remzîya bale ante serê tecrîdo ke serê Abdullah Ocalanî de yo û vat tecrîd duşthuqûqî yo û tecrîdî tena serê şarê Kurdî de nê serê heme şaran de tesîr kerd o û wina erjna: "Tecrîdî dir wareyê ekonomî de zî problemî vejîyayî meydan. Tecrîd nêameyîne kerdiş do welat hendê ke nêkewtbîyêne. Tecrîdê serê Birêz Abdullah Ocalanî dir, feqîrî û vêşanbîyayîş dest pêkerd o. Heta Birêz Abdullah Ocalan nêro veradayîş do Tirkîya nêro xo ser. No zehmet o. Rayîrê xelesnayîşê welatî, Birêz Ocalanî dir o." 

 

'Duşthuqûqî yena ca' 

 

Remzîye bale ante serê binpaykerdişê heqan ê ke zîndanan de yê û vat binpaykerdiş babeta vatişîya ya ke girêdayeyê tecrîdê serê Abdullah Ocalanî de ya û nê çîyî ardî ziwan: "Heta ke Abdullah Ocalan azad nêbo do tepişteyî zî azad nêbê. Cayê fabrîkayî û cayê karî bêrê akerdiş de, zindanî yenê viraştiş. Tirkîya bîya şaristanê zîndanan. Zîndanan de zî duşthuqûqîyê pîlî yenê ca û heqê embazanê ma destê înan ra yenê girewtiş. Tepişteyê ke giranê nînê veradayîş. Hewceyîyê înan nînê ca. Na rezîlîya û duşthuqûqî ya. Gelo dinya nînan nêvînena? Serebûtêke tewr qijkek de her babete çapemenîye  mojnena ra. La wexto ke babete bena Kurdî kesêke nêvîneno." 

 

'Ganî her kes bivîno' 

 

Remzîye dewamîye de erjnayîşê xo wina domna: "Polîtîkayê şerî û tecrîdî girêdayeyê yewbînan ê. Polîtîkayê tecrîdî tewr zafêr tesîr cinîyan rê kenê. Heta şîdetê serê Abdullah Ocalanî bibo do şîdeta serê cinîyan zî zafêr bibo. Hewldayîşê pelçiqnayîşê Kurdan netîce nêda, nika bi feqîrî û vêşanbîyayîşî terbîye kenê. Ciwanan kenê hezazê madeyê tiryakî. Şîdeto ke kuçeyan de hemverê cinî û tutan de yo zafêr bîyo. Camîyan de tacîz zafêr bîyo. Ganî her kes bivîno ke ro Kurdan çi yeno kerdiş. Tecrîdî tesîrêke giran serê cinîyan de zî kerdo. Tecrîd, tecawuz û şîdet heme girêdayeyê yewbînan ê." 

 

'Ganî serek azad bo' 

 

Remzîye peynîyê qiseyanê xo de venga heme cinîyan kerd ke, duştê şîdetî û tecrîdî de xo organîze bikerê û wina vat: "Duştê tecrîdî de ganî cinî sere wedarê. Seba nê venga ma seba şarê Kurdî û cinîyan a. Ganî bibê yew serekî azad bikerê û heta heqê xo bigîrê meydanan de bê. Ma veng ro dinya zî kenê. Wa destê xo bidê serê wijdanê xo û duştê na rewşe de bêveng nêmanê."