STENBOL - Seba dosyaya tecawuz, desteştişî, îşkenceyo sîstematîk ê Garibe Gezer ke zîndan de dinyaya xo bedilnabî ci dir rî bi rî mendebî ameye padayîş, avûkatan muracatê AYMyî kerd.

 

Garîbe Gezer ke Zîndanê Kandirî yê Hûmara 1in Tîpê Fyî bi hawayêke sîstematîk amebî îşkencekerdiş û desteştiş aye rê amebi kerdiş, 9ê Kanûna 2021 de hucreya ci de mendêne dinyaya xo bedilnabî. Garîbe vernîya ke dinyaya xo bibedilno, seba îşkence û desteştişî gerreyê gardiyanan kerdibî, la derheqê înan de tu cipersayîş nêamebi destpêkerdiş. Seba nê avûkatanê Garîbe bi bahaneyê wezîfeyê xo binpay kerda, îşkence û desteştiş kerdê gerreyê wezîfedaranê zîndanî û bi bahaneyê wezîfeyê xo xirab kerda zî gerreyê doktor Îsmaîl U. kerdibî. Dimayê nê cipersayîş amebi destpêkerdiş.

 

Cipersayîşo ke amebi destpêkerdiş bi qerarê nêtaqîbkerdişî peynî bibi û dosya amebî padayîş. Dimayê nê avûkatanê Garîbeye avûkate Eren Keskîn, Jiyan Tosûn, Jiyan Kaya zî 5ê Çeleyî de muracatê Dadgeriya Cezaya Sulhî ya Kandirayî kerdibî û îtiraz kerdibî. 

 

Dimayê dadgerîye muracatê avûkatan red kerd, avûkatan îşaret bi maddeyê 17, 40, 36 û 141 yê Qanûnê Bingehîn û maddeyê 3, 6 û 13in Pêkerdişê Heqê Merdiman ê Ewropayî (PMME) kerdî û muracatê Dadgeha Qanûnê Bingehîn (AYM) kerdî.