ANQARA - 7 partîyanê çepgîranê ke peynîya hewteyî de ameybî yewca û koordînasyono hempar awan kerdbi, derheqê şerê Ukrayna de eşkerayîya hempare daye û vat: "Ma terefgîrê aştîye yê."

 

Partîya Demokratîke ya Şaran (HDP), Partîya Kede (EMEP), Partîya Tevgerê Kedkaran (EHP), Halkevlerî, SMF, TÎP Û TOPî derheqê şerê Ukrayna de eşkerayîya hempare day.

 

Eşkerayîye de ame vatiş ke hema pandemî nêqedîyayo şar şerî dir rî bi rî mendo û wina ame vatene: ''Ma terefgîrê nê polîtîkayanê emperyalan nîyê ke ke Rûsta û NATO bi serkêşîya Amerîka îradeyê şaran nêhesibnenê. Şar mecbur nîyo ke nê terefan ra yew biweçîno. Ma terefgîrê aştîye yê, terefê ma û terefê şaranê ke vera şerî yê seyci yê."

 

'Ma hemverê şerî de bêveng nêmanenê'

 

Dewamê eşkerayîye de wina ame vatene: "Donetsk, Lugansk û Ukrayna de sivîlî mirenê, şar koç keno. Pêro hêzê şer û îşxalkerî ganî herême ra xo apey biancê, ganî heqo ke vano şarî eşkeno qederê xo dîyar bikero bişinasîyo. Emperyalîzm û faşîzm talîmatan ra aseno ke ameyê asta şuxilnayîşê çeka nukleere. Hîroşîma, Nagazakî, Vîetnam û Heleoçe wesîkaya tarîxîye ya na barbarî ya. Ma do hetê barbarîye de nêbê. Ma aştîye, wayûbiratîye geş bikerê."