AMED - Hemsereka DFGyî  Dîcle Muftuoglu da zanayene ke çimeyê hêrişê hemverê rojnamegeranê mintiqayî de meseleya Kurdan ra qewimîyeno û wina vat: "Edetîyêke rojnamegeranê Kurdan ê ke Apê Mûsa, Gûrbetellî Ersoz, Denîz Firatan ra yeno esto. Rojnamegerê Kurdî merg danê verê çiman û dimayê heqîqetî şinê." 

 

Tehdayê serê rojnamegeran de yê roj bi roje zêdeyêr benê. Na rewşe di raporê rêxistine de meslegî yê mîyanneteweyî de zî yenê vînayîş. La Tirkîya de sere ra serekkomar heme îdarekarî babeta azadîya çapemenîye de israrê xo dewam kenê. Rojnamegerî yenê destbendkerdiş û yenê tepiştişî. Komeleya Rojnamegerê Dîcle Firatî (DFG) duştê destbendkerdişî, tepiştişî û tehdayî de, bi eşkerakerdişê raporî  hadre kenê ke hewl danê bibê vengê xebatkarê çapemenîyî. 

 

Hemsereka DFGyî  Dîcle Muftuoglu derheqê tehdayê serê rojnamegeranê mintiqayî de yê rojnamegerî kenê erjnayîş kerd.

 

Tirkîya de azadîya fikr û fehmî çin a’

 

Dîcle bale ant serê tedayan û vat: “Seba azadiya fikr û fehmî çin a, rojnamegerî yenê destbendkerdiş û tepiştiş. Goreyê dayeyê DFGyî nika 65 rojnamegerî tepişteyê. Welatêko demokrasî ney, binpaykerdişê heqan û cînayetî yenê kerdiş. Dewlete nêwazena komel înan bieşnawo. Eke rojnamegerî na rewşe nênusê do normal têbigêrê. Coka dewlete tersena. Rojê vîyarte de Zeynep Durgut Cizîr de ameye destbendkerdiş. Cizîr yew cayê ke binpaykerdişî zaf yenê ciwîyayîş o.”

 

‘Zeynebe hedef girewtî’

 

Dîcle dewam de wina vat: “Zeynebe hedef ameye girewtene. Zeynebe reya ewil nîyo ke bêro tepiştiş. Derheqê Abdulgaffar Dayano ke wesayîtê zirxî da piro û dinyaya xo bedilna xebere viraşt. Na babete veng da. Mudirê emniyetî şi verê keyeyî û vat, ‘serebût pîl mekerê.’ Zeynepe seba nê xeberan hedef ameye girewtiş. Roja ke Tirkîya ameya awankerdiş, rojnamegeran rê bîya zîndan. Tirkîya de rojnamegerî yenê manaya ke têkoşînê hemverê mergî. Xeylêk rojnamegerî pêwa heme tedayan zanê reyna zî rojnamegerîye kenê.”

 

‘Nîjadperestî vejenê werte’ 

 

Dîcle dewam de dîyar kerd ke rojnamegerê kurdî nêzdîyê 40 serrî yo têkoşîn kenê û vat: “Adetê çapemeniya azade, Apê Musa, Gurbetellî Ersoz, Denîz Firatan ra heta ewro ameyo. Rojnamegerê kurdî merg dayî verê çimanê xo û şî heqîqet. Demo ke nê kenê merg danê verê çiman. Rayaumumî de hemverê rojnamegerê kurdî de hukmê verên esto. Serrê peyînan de no bêro şikinayîş zî çi heyf çarçewaya ke îqtîdar dayo werte ewnîyenê.”

 

‘Paştdayîş seba pêro rojnamegeran girîng o’

 

Dîcle tewr peyîn wina vat: “Rojê vîyarte de rojnameger Bariş Peyhlîvan û Murat Agirel ameyî tepiştiş û dima ra bi kontrol ameyî veradayîş. Veradayîşê di rojnamegeran di esas de caardişê huqûqî yo. La wexto ke babete bena kurdî terzê xeberan kenê bahane û nînê veradayîş. Hem seba rojnamegerê kurdan hem seba tepişteyê siyasî eynî çî derbasdar nîyo. Ma sey DFG goreyê mîsyonê xo têgêrenê. Ma hewl danê ke binpaykerdişê heqan ê hemverê rojnamegeran bikerê rojeve. Ma hem bi çapemeniya komelî û hem zî bi raporan danê eşnawitiş. Rojnamegerî sûc nîya, lazinî bi qîrînayîş esto. Ma sey DFG hewl danê ke têkoşînê xo tewr girs bikerê.”