Dîlan Babat

 

ENQERE - Sereka Pêroyî ya SEPî Guneş Gumuş tevgerê leşkerî yê Rûsya hemverê Ukraynayî dayê destpêkerdiş ercna û vat, Rusya hetê NATO û DYAyî ra ameya sûrkerdiş û Ukrayna zî pozîsyonêk ke bêro werdiş de ya. Guneşe vat, rewşa şerê mabêne Rusya û Ukrayna de dewam bikero, do zemînê xesas ê Tirkîya xira bibo.

 

Tevgerê Leşkerî yê Rûsya ke hemverê Ukrayna da destpêkerdiş roja 4ine de dewam keno. DYA û welatê Ewropayî, cezayê ekonomî yê ke bidê Rûsya eşkera kerdî. Rûsya zî hemverê nê cezayan îdia kerd ke tevgerê leşkerî ferz o û do zirar nêdê sîstemê ekonomîye global. Welatiyê sivîl yê Ukrayna şî cayê bi asayîşî yan zî welat terk kerdî. Heta nika bi desan kesî dinyaya xo bedilnayî.

 

Sereka Pêroyî ya Partîya Kede ya Sosyalîst (SEP) Guneş Gumuş  derheqê şerê mabêne Rusya û Ukrayna de, sewbîna tesîrê şerî de, sewbîna tesîrê şerî yê serê welatê bînan de ercna.

 

'NATO Û DYAyî, Rûsya sûr kerdî'

 

Guneşe dîyar kerd ke NATO Û DYAyî, Rûsya ûr kerd û wina vat: "Dimayê vilabîyayîşê sovyetan NATOyî Rûsya îqaz kerd ke agêro pêkerdişê ameyê kerdiş. NATO û DYAyî Rûsya sûr kerd. Ukrayna sey êm vînayî. Îqtîdarê Ukrayna zî qebûl kerd ke bibê parçeyêk nê êmî û çinkerdişê welatî verê çiman de girewtî. Rûsya verê zî Ukrayna qebûl nêkerdêne. Bi serran bi vatêne na herêma ma ya hegemon a, aktorê îşxalkerdişî tena Putîn nîyo. Heto bîn Kîev rejîmêk olîgarşî esto. Heto bîn ra Bîden û NATOyî Ukrayna kerdêne êm. Tîya de şarê Ukrayna bi qurban.”

 

‘Tena ame verdayîş'

 

Guneşe vat, 2008 ra heta nika krîzêk de ya û vat: "Krîz bi sebebê aloziya mabêne welatê mîyanneteweyî de. Rekabet zêde bi. Sermaye zemîn vînî kerd. Seba nê kom bikerê zî tewr zêde nakokî vejîyayî werte. Mabêne Çîn û DYAyî de alozî vejîya. Rûsya aktorê nê ya û xo sey hêzê berzî vînena. Ukrayna danê vernî la nika werte de menda. Vera ke paştdayîşê çekan bêro kerdiş, Rûsya îşxalê xo bi asan kena. Hemverê îşxalkerdişê hetê  Rûsya ra yeno kerdiş, welat pêkerdişê şermezakerdiş û cezayan, danê. Ez nê sey dûrûtî vînena. Hêzê emperyal her tim dirî têgêrenê."

 

'AKP ne fek Ukrayna ne zî Rûsya ra vera nêdano' 

 

Guneşe tewr peyîn wina vat: “Ma qalê welatêk ekonomîye ci teng, kenê. Yew hemleyê girîng oyo ke verê waşt hemverê Ukrayna bibo wayîrê pozîsyon. La seba ekonomî xira bî, nêwaşt ne Rûsya ne zî Ukrayna xemgîn bikero. Tirkîya nêwazena mabêne xo û Rûsya zî xira bikero. Ekonomîya Tirkîya vînî kerda. Rewşa Rûsya dewam bikero do zemînê xesas ê Tirkîya xira bibo. Tirkîya do nêzdîbîyayîşêk ke Rûsya hêrs nêkero, nîşan bido."