Derya Ren

 

MERSÎN - Hemsereka HDPyî ya Mersînî Bedrîye Kuş dîyar kerd ke hedef înan oyo ke 8ê Adare de xo biresnê heme cinîyan û vat, rojeva înan ê sereyîn tecrîdê serê Rayberê PKKyî Abdullah Ocalan û binpaykerdişê heqan ê zîndanan o. Bedrîye vat, do bi heme rengê xo meydanan de bê.

 

Tirkîya û bajarê mintiqa sere de rêxistinê cinîyan û her hetê cinîyan de dest bi bernameyê 8ê Adare Roja Cinîyan a Dinya kerd. Yew nê bajaran ra zî Mersîn o. Cinîyê Mersînî xo amade kenê ke bi heme rengê xo meydanan de bê û bale biancê serê binpaykerdişê heqan.

 

Hemseraka HDPyî ya Mersînî Bedriye Kuş derheqê bernameyê 8ê Adare ya bajarî de qisey kerd.

 

‘Cinî do bi reng û vengên xo meydanan de bê'

 

Bedrîye dîyar kerd hemverê polîtîkayê tedayî yê îqtîdarî her tim meydanan de bîyê û cewabê xo dayê û vat: "Ver bi 8ê Adare de tedayî dewam kenê. Ma do 8ê Adara emsar de zî vengê xo hemverê zulm û teda berz bikerê. Ma do bi veng, reng û waştişê xo meydanan de bê. Ma do 8ê Adare de reyke bîn wedaritişê Pêkerdişê Stenbolî qebûl nêkenê.”

 

‘Bêrê ma têkoşînê rêxistinkerde pîl bikerê'

 

Bedrîye dîyar kerd ke cinîyan bi têkoşîn û kedêke pîl Pêkerdişê  Stenbolî bi dest kerdê û wina vat: “Ma fek destkewtişê xo ra vera nêdanê. Rojeva ma ya embazanê ma yê tepişteyî, problemê înan û tecrîd bo. Ma do meydanan de bê û her kesî dawetê meydanan kenê. Bêrê ma pîya têkoşînê xo pîl bikerê."

 

‘Ma do pêro cinîyan dir bêrê têhet'

 

Bedrîye kongreya merkezî ya Mersînî de rojê vîyarte de ame kerdiş û vat: "Ma do 1ê Adare de start bidê. 3yê Adare de Akdenîz de do bernameyêk bêro kerdiş. 4ê Adare de ma do şêrê serdayîşê karkerê cinî yê Tersûsî. Seba paştdayîşê tepişteyê cinîyan ma do  5ê Adare de eşkerayîyêke bidê. 6ê Adare de ma do bi platformê Cinîyan ê  Mersînî dir pêvînayîşêke bikerê. 8ê Adare de ma do qertan bişawê tepişteyê cinîyan rê û şan de zî ma do rayrayîşê Şewe ya Femînîstî bikerê. Sewbîna 1ê Adare ra dima ma do pîya her qeza de cinîyan dir bêrê têhet."