RIHA - Çalakîya 'Nobeta Edaletî' ya Keyeyê Şenyaşarî 355 rojî yo dewam kena.  Keyeyê Şenyaşarî çalakîya ewro de nê persî îdarekerdoxan ra persayî: "Madem ke ma eynî gemî de yê, o wext çira no zilm yeno kerdiş?"

 

14ê Hezîrane ya serra 2018ine de merdim û pawitoxê Parlementerê AKPyî yê Rihayî Îbrahîm Halîl Yildiz, Pirsûs de hêrişê dikanê keyeyê Şenyaşarî kerd. Hêriş de mêrdeyê Emîne Şenyaşar û di lajê aye ameyî qetilkerdiş. Sewbîna lajê ci Ferît Şenyaşar zî birîndar bî. Dadîya Emîne Şenyaşar û lajê xo Ferît Şenyaşar  9ê Adare ya 2021î de vernîyê Edlîyeyê Rihayî de dest bi çalakîya Nobeta Edaletî kerdbî. Çalakîya keyeyî roja 355ine de zî dewam kerd. Rojê betalîye de edlîye ke girewteyo. Coka nê zî keye çalakîya xo keyeyê xo yê Pirsûsî de dewam kenê.

 

Derheqê  babete de keyeyî serê hesabê xo yê Medyaya Dîjîtale de bi mesajêke pare kerd. Mesajê xo de fotogragê ambûlansa ke Nêweşxaneyê Dewlete ya Pirsûsî de rastê hêrişî amebî, ame dayîş û wina ame vatiş: "Eke 'Ambûlansa ke Tirkîya seba paştdayîşî şawitbî Ukraynayî, rastê hêrişî ame.' bi fotograf bi nê sernameyî seke manşetî biameyêne dayîş,  do hetkarê muhafazekarî bivejîyayêne meydanan... Na ambûlanse, Riha de rastê hêrişî amî. Merdimê hêrişkarî zî ameyî xelatkerdiş. Madem ke ma eynî keştîye de yê, o wext çira no zilm yeno kerdiş?"