MEXMÛR - Netîceyê weçînayîşê  şaredarîyê Wargehê Multecîyan ê  Mexmûrî dîyar bi. Fatma Bîlen û Bedran Pîranî sey hemşaredar ameyî weçînayîş.

 

Wargehê Multecîyan ê Şehîd Rûstem Cudî (Mexmûr) de weçînayîşê hemşaredar û encûmenê Şaredarîya Şarî ame kerdiş û netîceyê weçînayîşî ameyî eşkerakerdiş.

 

Weçînayîşê ke vizêr saete 08.00in de 8 merkezan de dest pêkerd. Welatijî serê siba de dest bi xebitnayîşê raydayîşî kerd. Weçînayîş saete 17:00in de peynî bi. Hûmartişê rayan vizêr şan de ame kerdiş û heta ereyê şanî dewam kerd.

 

Seba hemşaredarî 4 kesî, seba encûmenî zî 25 namzedî muracat kerdibî. Nê 7 kesî ameyî weçînayîş.  Mexmûr de her di serran de seba hemşaredar û encûmenê Şaredarîya Şarî weçînayîş yeno kerdiş.

 

Ewro netîceyê weçînayîşî dîyar bî. Fatma Bîlen û Bedran bî hemşaredarê Mexmûrî. Cemîle Korkmaz, Leyla Çelîk, Eylem Kara û Nusret Şirnexî, Hazim Kar, Sedîk Hilalî, Hisên Buldan zî sey encumenê şaredarî ameyî weçînayîş.