Şirîn Çinar

 

AMED - Îdarekara HDPyî ya Amedî Gulhan Onur dîyar kerd ke çarçewaya 8ê Adare Roja Cinîyan ê Dinya de Amedî bi coş xo seba çalakîyan amade kenê û wina veng da cinîyan: "Ma do bi sloganê, ‘Dem demê cinîyan o' hemverê zîhnîyetê serdest yê camêrdan wareyan de bê."

 

Tirkîya û bajarê mintiqa de bi nêzdîbîyayîşê 8ê Adare Roja Cinîyan ê Dinya amadekarî dewam kenê. Cinîyan bajaran de bi coşêk pîl start dayî û Amed de zî xebate dewam kena. Gulhan Onur îdarekarîya HDPyî ya Amedî de ca gêno, bale ant serê girîngîyê têkoşînê cinîyan û dîyar kerd ke Amed bi coş xo seba 8ê Adare amade keno.

 

‘Ma 8ê Adare sey roja têkoşînî vînenê'

 

Gulhane dîyar kerd ke hemverê binpaykerdişan, teda û bêtêduştîyê bi seserran o dewam keno 8ê Adare sey roja têkoşînî vînenê û vat: "Roja ma ya ewro de bi krîzê ekonomî yê ewil dir kar ra yenê eştiş û yê ke keda înan yena binpaykerdiş cinî yê. Seba nê ma 8ê Adara sey roja têkoşînî yê seba azadîye û sey roja têkoşînê hemverê her tewirê şîdetî serê cinîyan de vînenê."

 

‘Ma do start Mêrdîn de bidê'

 

Gulhane wina vat: “Ma do startê xebata xo Mêrdîn de bidê. Ma do bi heme sazgehê cinîyan dir bêrê têhet û heme xebatê xo yê 8ê Adare bikerê. Eynî wextî de ma do embazanê xo yê cinî yê tepişteyan rê qertan bişawê. Ma do heme cinî pîya cilê xo yê gelerî xo ra dê û bi erbaneyan heta PTTyî rayîra şêrê. Bi rayberîya MEBYA-DERî ma do şêrê serê gorê embazanê xo yê ke dinyaya xo bedilnayê û ma doo qerenfîlan bidê serê gorê înan. Farqîn, Erganî, Bismil, Çinar, Pasûr, Çêrmûg û Pîran de do fîlm bêrê ramojnayîş. Heto bîn ra çar qezayê merkezî û dewan de do xebatê ma bibê. Ma do vilawikan vila bikerê."

 

Hemverê zîhnîyetê serdestî vengdayîşê paştdayîşî

 

Gulhane vat, derheqê 8ê Adare ke do bi sloganê ‘Dem demê cinîyan o' bêro kerdiş û vat: "Ma do hemverê şîdetî, binpaykerdişî û sewbîna seba cuyêka têduşt û azad bi sloganê, ‘dem demê cinîyan o' meydanan pirr bikerê. Ma heme cinîyan dawetê têkoşîn û wa veng bidê vengê ma, ma do wareyan pirr bikerê. Ma vera zîhniyetê serdest yê camêrdan heme cinîyan dawetê paştdayîşî kenê."