STENBOL - 1in roniştişê dewaya 11 Dadîyanê Aştîyî yê ke seba paştdayîşê grevê vêşanîye malûmat dabî û 2 rojnamegerî ke malûmatî teqîb kerdbî, ame vînayîş. Heyetê dadgehe seba cigêrayîşkerdişê dîyayîşkîyanê roje malûmatê roniştişî taloqê 28ê Hezîrane kerd. 

 

Mabênê serranê 2018î û 2019î de verê Zîndanê Cinîyan ê Bakirkoyê Stenbolî de, 11 Dadîyanê Aştîye bi malûmatêke bale biancê serê grevê vêşanîye yê zîndananî  ke bi serekîya Hemsereka Kongreya Komele ya Demokratike(KCD) Leyla Guvene dir amî destpêkerdiş. Derheqê 11 dadîyan û  rojnameger Îrfan Tûncçelîk û Umît Tûrhan Coşkûn de, bi  bahaneyê   'Hetkarîya rêxistine kerdê' dewa amî akerdiş. Roniştişê dewaya yewine; 23yîn Dadgeha Cezaya Girane ya Stenbolî de ame vînayîş. 

 

11 dadî û wurdî rojnamegerî avûkatanê xo dir tewirê roniştişî bîy. Seba paştîdayîşî zî Parlementera Partîya Mintiqaya Demokratîke ya Şaran(HDP) Zuleyha Gulum tewirê roniştişî bî.

 

Bi bahaneyê kovîdê dadîyan kom bi kom girewtî salona roniştişî û sewbîna nêverdayî rojnamegerî roniştiş taqîb bikerê. Çend vera qerarê heyetê dadgehe nêrazîbîyayîş ame ramojnayîş zî reyna rojnamegerî nêeşkayî roniştiş taqîb bikerê. 

 

Dimayê qiseykerdişê Dadîyê Aştîye, avûkatan dest bi pawitişî kerd. 

 

Polîsê ke sey şahîd ameyî ramojnayîş, roniştiş de dîyar kerd ke roja serebûtî nîno vîrê înan.

 

Heyetê dadgehe qerarê qedexeyê vejîyayîşê welatî wedarna û seba cigêrayîşê dîmenê roja serebûtî zî roniştiş taloqê 28ê hezîrane kerd.