Melîke Aydin

 

ÎZMÎR - Avûkate Funda Ekîn polîtîkayê bêcezaverdayîşî yê dewaya kiştişê cinîyan de yeno xebitnayîş û vat, sûcê hemverê cinîyan bêtêduştîyê cinsî zî hewêneno û ganî kategorîyêk cîya bêro destgirewtiş.

 

Dewayê kiştişê cinîyan de dadgehe seba gumanbaran bi bahaneyê ‘rewşa baş’, ‘tahrîkê nêheq’, ‘poşmanî’ ceza yenê fînayîş û no zî şîdetê camêrd dir zemînê awan keno. Cinî bi serran o hemverê hukmî her ca de têkoşîn kenê. Avûkate Funda Ekîn polîtîkayê bêcezaverdayîşê yê hukmî erjna.

 

Funda dîyar kerd ke sîstemê înfazî, fînayîşê rewşa baş, beno sebebê kêmkerdişê cezayan û wina vat: “No fînayîş ganî sûcê hemverê heqê cinîyan de, nêro xebitnayîş. Dosya de vejêno werte ke mêrdeyo ke bi desan rey şîdet kerdo, bi serran o nê kerdo û xeylêk rey cinî tehdîd kerdo. Yanî o wext poşmanî binê rayeyê dadgerî de yo. Wa nê cezayî nêrê kêmkerdiş, wa giran bê ke vernîya nê sûcan bêro girewtiş."

 

‘Bê şêwirnayîş yenê kerdiş'

 

Funda dewam de wina vat: “Eke çîyêk baş wazenê bikerê wa bi muxatabê xo dir bişêwirê. La pê nêşêwirênê. Huqûqnas, sazgehê komelê sivîl, baroyan ra fikr nîno girewtiş. Qanûn çîyê ke rojane yenê vetiş o. Ganî goreyê metodan bêro nuştiş. Ganî newe ra nêrê vurnayîş."

 

‘Ganî kategoriyêk cîya de bêro erjnayîş'

 

Funda tewr peyîn bale nat serê nêzdîbîyayîşê hukmî û vat: “Yanî ma ewro mêrdeyê ke cinîyan kişenê, sûcê kiştişê kesî hukmkenê. La mabêne de şîdetêk bêtêduştîyê cinsî yeno kerdiş esto. Derheqê nê de ganî erjnayîşêk xusîsî bibo. Dadgerî goreyê rayeyê xo eşkeno ceza tewr giran bikero. Yan zî bifîno. La nê fînayîşî seba başîya mêrdan yeno kerdiş. Gumanbar nê fînayîşan ra feyde gêno."