Şirin Çinar

 

AMED - Îdarekara Enstîtuya Kurdî ya Amedî Mîne Karakaş dîyar kerd ke kurdkî binê tehlukeyê asîmîlasyonî de ya û wina vat: "Ganî meydanê îstîmlakî de ca bigîro yan ney do ver bi çinbîyayîşî şêro. Ma kurdkî qisey bikerê û bi kurdkî biciwîyo."

 

Derheqê 21ê Sibate Roja Ziwanê Dayîke ya Dinya Îdarekara Enstituya Kurdî ya Amedî Mîne Karakaş dîyar kerd ke ziwanê kurdkî bi tehlukeyê asîmîlasyonî rî bi rî mendo û wina vat: "Ganî kurdî seba ziwanê xo xo ver bidê."

 

Mîne dîyar kerd ke ziwan bi merdimayî dir girêdaye yo û wina vat, kesê bi ziwanê xo têkilî rono, keweno ferqîyê nasnameyê xo zî.

 

'Xeylêk merdimî seba bi kurdkî qisey bikerê ameyî qetilkerdiş'

 

Mineye wina vat: "Xeylêk tabelayê bi kurdkî ameyî warî. Kurdkî qeydan de sey ziwanê nîno zanayîş ame derbaskerdiş. Stenbol de ciwanan seba bi kurdkî deyîran vatî, hêrişê înan ameyî kerdiş. Xeylêk kurdî seba ziwanê qisey kerdê ameyê kiştiş."

 

'Kurdkî bi tehlukeyê asîmîlasyonî dir rî bi rî ya'

 

Mineye wina bale ant serê ziwanî û vat: "Nika têkoşînêke hemverê polîtîkayê asîmîlasyonî yeno kerdiş. Polîtîkayê asîmîlayonî yê serê ziwanê kurdkî çi heyf kewto heta keyeyê ma. Kurdkî bi tehlukeyê asîmîlasyonî rî bi rî ya. Tutan ra bigîrê heta ciwanan her kes nê tehluke dir rî bi rî yo."

 

'Ganî her keye keyeyê xo bikero wareyê perwerdeyî'

 

Mine tewr peyîn wina vat: "Wexto ke merdim dayîke xo ra beno, tewr zêde merdim bi ziwanê xo qisey keno. Xeylêk weşanê enstituya kurdî estê. sewbîna xeylêk qursê MED-DERî zî estê. Nê wareyî de xeylêk komeleyê ma estê labelê qîm nêkeno. Çike ganî şar keyeyê xo, kuçe û meydanan de bi ziwanê xo  qisey bikero. Seba ziwanê kurdkî bibo ziwanê fermî û perwerdeyî ganî dewlete mîyanê nê sîstemê xo ra vejîyo. Seba nê şarî ra waştişê ma oyo ke mabêne yewbînan de,  kuçeyan û bi tutanê xo dir kurdkî qisey bikerê."