RIHA - Emîne û Ferît Şenyaşar yê 345 rojî yo Nobeda Edaletî ya verê Berê Edliyeyê Rihayî de dewam kenê serê hesabê xo yê medyaya dîjîtalî nê mesajî pare kerd: "Ma do sere zilmî rê nêtewênê."

 

Qezaya Pirsûsî ya Rihayî 14ê Hezîrana 2018ine de merdim û pawitoxê parlamenterê AKPyî Îbrahim Halil Yildiz hêrişê keyeyê Şenyaşarî kerd. Di laj û mêrdeyê Emîne Şenyaşar dinyaya xo bedilnayî. Lajê Emîne Şenyaşar Ferît zî bi birîndarî xelas bî. Nobeda ke Emîne û Ferît Şenyaşar 9ê Adare verê Edliyeyê Rihayî danê destpêkerdiş roja 345ine de dewam kena. 

 

Keyeyî derheqê babete de serê hesabê xo yê medyaya dîjîtalî de mesajêke pare kerd û wina vat: "Kesê milo rastî walî yo. Veng dano turîstan û seba serdayîşî destpêkê tarîxî Girê Miraza, înan dawetê nê bajarê qedîm keno. Kesê kîşte çepî de yo zî serdozger o ke vernîya Edliyeyê Rihayî de tarîx nuseno. Tûrîstê ke wazenê şahidiyê tarîxî bikerê, yenê verê edliye. Ma do verê zilmî sereyê xo nêtewênê.