Oznûr Deger

 

ANQARA - Avûkata Dewaya Kobanî Sevda Çelîk Ozbîngol da zanayene ke bi seyan muştekîyê dewa de ameyê goştarîkerdiş, ganî bibê şahid û wina vat: "Mudurîyetê Asayîşî ke girêdayeyê Wezaretê Karê Zerî yo, ferzê ewraqê teqdîmkerdişê dosyayî bikero; coka  hetkarîya dosyayî yo û mimkun nîyo ke ewraq bêhetkarî teqdîm bikero."

 

10ine roniştişê Dewaya Qirkerdişê Sîyasî yê Kobanî ke 22 ci ra tepişteyî, 108 kesî ke ci de Hemserekê Pêroyîyê verî yê HDPyî; Figen Yuksekdag, Selahattîn Demîrtaş û Hemsereka Pêroyîne ya BDPyî ya verî Sebahat Tûncel zî yena muhakemekerdiş, 28ê Sibate de do Kampûsê Zîndanê Sîncanî de bêro vînayîş.

 

'Muştekîyan gerreyê xo apey antê'

 

No 10 mengî yo bi seyan muştekîyî bi rayîrê talîmatî ameyê goştarîkerdiş. Bi desan şahidê nimitkî û yan zî akerdeyî îfadeyî dayê. Nîno zanayene ke muştekî senîn tewirê dosyayî bîyê û seba çi tewir bîyê. Pêwa nê xeylêke zî gerreyê xo apey antê.

 

Avûkate ya dewa Sevda Çelîk Ozbîngol derheqê dosya de qisey kerd.

 

Sevda vat, na dosya dosyayêke ya hetê ci yo sîyasî zaf giran o û vat prosesê muhakemekerdiş de xeylêk duştê huqûqî ra ameyê rî bi bî. Sevda wina vat: "Muhakemekerdişêko dadgeha xusûsî ameyo bitesîrkerdiş esto. Heyetê 22yînê yê Dadgeha Cezaya Giran ya  Anqarayî, tena seba nê muhakemekerdişî ameya wezîfekerdiş. Muhakemekerdişêko bi huqûqî nîno kerdiş. Heme prensîbê huqûqê mîyanneteweyî û ê zereyî yenê binpaykerdişî."

 

'Dosya bi 324 klasorî dest pêkerd resaya panc seyî'

 

Sevda da zanayene ke bi perîyodê roniştişî ke hewl danê vernî ro heqê pawitişî bigîrê û nê çî behs kerd: "Şansê ke yo ma belge û delîlanê ke ameyê bicakerdiş cigêrayîş bikerê çinî yo. Wexto dosyaya ma amî destpêkerdişî 324 klasorî bî û ewro panc 500î ra desbas kerd ê. Dosya de tarîxê sûcê yenê vatişî ke ameyê kerdiş zaf kan ê, la akerdena dosyayî, hadrekerdişê îdîanameyî û prosesê muhakemekerdişî zaf kilm ê. Heqê merdimanê ke yenê muhakemekerdiş ke destê înan ra ameyo girewtiş."

 

'Asayîş hetkarê dosyayî yo'

 

Sevda dewamîye de wina erjna: "Prosesê muhakemekerdişî de heqê pawitişî yeno çinîkerdiş. Vêşêrî ke dosya bêro kontrolkerdiş, pawitiş muvekîlanê ma rê ferz keno. Dosya de duştê muhakemekerdene de îfadeyê muştekîyan ameyî girewtiş. Bi seyan muştekî ameyî goştarîkerdiş. La seke yeno îdîakerdene, zafêrî muştekî mexdûrîyetê înan çinî yo. Heme sazgehî sey mudaxilan na dosya de ca gênê. Mudurîyetê Asayîşî ke girêdayeyê Wezaretê Karê Zerî yo, ke ferzê ewraqê teqdîmê dosyayî bikero, coka hetkarê dosyayî yo, mimkun nîyo ke ewraqî bêhetkarî teqdîm bikero."

 

'Şahidê nimitkî vejîyayî meydan'

 

Sevda îşaret kerd ke dimayê lingê dosyayî helesîyayî na rey şahidê nimitkî yê newe vejîyayê meydan û na babete de zî wina beyan kerd: "Yew hetê ke ra tewr bale ancena ke na dosya de şahidê nimitkî yê. Na dosya di sewîyeyê hadrekerdişî de bî, şahidêko ke nêamebî goştarîkerdiş, dosya de ca girewt. 6 serrî dimayê tarîxo ke yeno îdîakerdene pey ra, merdimê ke ameyê tepiştiş û pêwa ganî sûcî biameyêne îspatkerdiş, no nêame îspatkerdiş û eksê nê şahidê nimitkî vetî hemverê ma. Ma bi şahidêko ke qetî raştîya îfadeyê ci çinî yo dir ameyê rî bi rî. Ma îtîrazê xo kerd. Ma pawitiş hewce kerd. Hewteyê vîyarteyî de DMMEyî derheqê wedaritişê destnêdayîşê  2016î yê HDPyîjan de qerarê binpaykerdişê heqî da. Dimayê nê, îtîrafkarêke newe dosya de ame zêdekerdiş. La no tesaduf nîyo. Bi Zanebîyayîşî no ci de zêde kerd."

 

'Venga ro wayîrvetişê dewa '

 

Sevda peynîyê qiseyanê xo de no erjnayîş kerd: "Seba ma asaso ewil no yo ke her keso ke dosya de wexto bêro goştarîkerdiş, ma zî ûca bê û persan ci ra bipersê û vernî dadgehe de bêro goştarîkerdiş. La eke pratîkêke wina nêro ca, do 100 klasorê bînî zî ro 500 klasoran  zêde bibo. Waştişê ma no yo ke muhakemekerdena adilî bêro ca. Na dosya de sîyaseto legal yeno muhakemekerdiş. Ganî rayaumûmîye bi wijdan û bi hêsgirî wayîr ro na dosya vejîyo."