Dewa Kobanê de şahido newe ABC123

  • 14:54 14 Sibate 2022
  • HEME XEBERİ
 
Oznur Deger
 
ANQARA - Bi kodê ABC123 şahido newe dosya Kobanê de ame zêdekerdiş û şahidî vat, 104 kesê ke dosya ra yenê muhakemekerdiş, 41 kesî qet nas nêkeno û hînan zî serê vatişan de nas keno. Sewbîna îdia kerd ke 108 kesî ra 10 kesî têkiliyê înan bi serebûtê Kobanî dir esto.
 
Dewaya Kobanê ya hemserekê verê yê HDPyî Fîgen Yuksekdag, Selahattîn Demîrtaş, endamê MYK HDPyî û hemsereka verê ya DBPyî Sebahat Tuncel zî tede, 108 kesî ci ra yenê muhakemekerdiş, roja 7in ê roniştişê 9in de îfadeyê şahidê nimte yê bi kodê ABC123 dosya ameye zêdekerdiş.
 
Îfadeyê şahidî roniştişê 10ê Sibate de hetê serekê dadgehe ra ame goşdarîkerdiş û dima ra roniştiş de ame wendiş û dosya de ame zêdekerdiş. Ame îdiakerdiş ke îtîrafkar ABC123 muracatê Serdozgerîya Komara ya Anqarayî dayo û seba serdayîşê ci derheqê Dewaya Kobanî de bîyo, ê şawitê 22yîn Dadgeha Cezaya Giran ya Anqarayî dewaya Kobanî ewnîyenê.
 
19in Dadgeha Cezaya Giran ya Anqarayî de netîceyê ke xo nêresna şahidê nimteyê dosya de ca girewtêne Mercek, seba şahidê newe yê dosya ameyo zêdekerdiş zî û seba nê zî bi sifatê şahidê nimte îtîrafkar ameyo goşdarîkerdiş û qerarê koda ‘ABC123’ dayê. Sewbîna pêwa pêro muracatan û muzakreyan Mercek nêameyo vînayîş û zanayîşêk nêameyo girewtiş û no zî ramojneno ke şahidêk wina raştî de çin o.
 
Gelo ABC123 zî sey ‘Mercekî yo’
 
Seba ke îtîrafkar ABC123 dadgehe de nêame goşdarîkerdiş, qerarê derheqê  şahidî de wina ameyo dayîş, bêguman îhtîmalo ke ABC123 zî sey şahidê nimte Mercekî yo, ano hişê merdiman.
 
Îfadeyê îtîrafkar, 8 rîpelî yo
 
8 rîpelî îfadeyê îtîrafkarî yê hetê dadgehe ra ame goşdarîkerdiş, dosya de ame zêdekerdiş û nîno zanayîş ke xêrcê nê îfadeyî çîyêk bîn esto yan ney.
 
108 kesê yenê muhakemekerdiş îtîrafkarî ra ameyî perskerdiş
 
Ame îdiakerdiş ke îtîrafkaro nimite  ABC123 bi waştişê xo şîyo Serdozgerîya Komara ya Anqarayî. hetê Dadgehe ra zî fotografê 108 kesê dewaya Kobanê ra yenê muhakemekerdiş, bi armancê teşhîskerdişî nîşanê îtîrafkarî dayê. Yeno dîyarkerdiş ke îtîrafkar hînan qet nas nêkeno û hînan zî çapemenî ra nas keno.
 
41 kesî nas nêkeno
 
Îtîrafkar ABC123 vano ke 108 kesî 19 heban qet nas nêkeno, 11 hebî nînê vîrê ci, 3 kesê bînî zî nêzano dîyo yan ney, 8 kesî qet nêdîyo, tena çapemenî ra nas keno. Na rewşe vejeno werte ke îtîrafkar 41 kesî nas nêkeno. Sewbîna îtîrafkar dîyar keno ke 108 kesî ra tena 10 kesî têkiliyê înan bi serebûtê Kobanê dir esto.