STENBOL - Çîgdem Gabar, embazîya Rayberê PKKyî Abdullah Ocalanî ke akademîye de ders dayê, wina vat: "Çîyo tewr erj dayêne embazî bî. Zana embazîyê xo de di tutîbîyayîşî de mende, waştêne. Tutîtîya zerrîya xo  her tim dayê ciwîyayîş. Bi çimanê pakî û zelalî yê tutêke ewnayêne. Vera nê zî çimê Zanayî her tim sey cewherêke madenî bereqîyayêne."

 

Rayberê PKKyî Abdullah Ocalan 15ê Sibate ya 1999î de bi komployê mîyanneteweyî teslîmê Tirkîya ame kerdiş û 23 serrî yo Zîndanê Îmralî de binê tecrîdî de yo. Abdullah Ocalan pêwa  şertê  tecrîdî bi paradîgmayî ûca avêr fîna, yew  gamê ey ra asasê azadîya cinî de avêr fîna. Abdullah Ocalan her pêvînayîşî de muhîmî ya azadîya cinî ardî ziwan.

 

'Ez embazê cinîyan a'

 

Rayberê PKKyî mesajê 2006î de dayo de wina vano: "Cinî seba azadbîyayîşî, ganî îdeolojîya xelesîyayîşî ya cinî avêr bifîno û sey hêzê îdeolojîkî bibo. Xeylêk reyî ke duştê mêrdeyî de sere wedaro, est ê. Ganî zafêr mêrdan ra bawerî nêkerê. Cinî do xoserbîyayîşê xo bipawo. Ganî cinî azadîya xo ra nêterso. Ez cinîyan dir wina embaz a. Mi cinî dir embazî bi heybetî kerd. Embazîyêka min a xurte cinî dir esta. Na babeta quwetî û bawerîye ya. Ez wina cewaban dana keda embaza xo ya cinî. Ez wazena xurt bê û wareyê şerî û aştîye dîyar bikerê. Ez xo sey karkerê heskerdişî pênasena. Ez seba şima ciwîyena. Hesretê şima behaneyê ciwîyayîşê min o. Ez şima dir a. Dinyayêka azade bêro destgirewtene esta. Ciwîyayîşêke azade esta."

 

Rayberê PKKyî ke hemrayîya cinî zelal meydan de da ro, heto bîn ra zî nuqteyê pawitişê xoserî de zî pêşnîyazîyan keno û dîyar keno ke wayîr ro xo, rih û bedenê xo vejîyê. Ma zî serê nê vatişan ra kewenê rayîr û ma xo resna cinîya ke Abdullah Ocalanî dir menda.

 

Çîgdem Gabar a ke Abdullah Ocalanî dir menda û nika tepişteya, nizdîyîya Rayberê PKKyî Abdullah Ocalanî ke hemverê azadîya cinî ajansê ma rê pare kerd. Vîrameyîşê Çigdeme şeklê têkilîya cinîyan dir ke ê Abdullah Ocalanî vejineno meydan.

 

Wareyê Zanebîyayîşî...

 

Zanayî şorişê ma şibnayêne romanî. Her şorişgêr qehremanê romanî bî û rolê xo, do bixo binusîyayêne. Kitabê Kurdan çinêbî, bi hezaran verî ameybî sotişî. Waştbî Kurdan bê nasname û bê kitaban verdê. Nika zî bi gan no kitab yeno nuştiş. Romano ke ci de nameyê; Egîtî, Berîtane, Mezlûmî, Zîlane û xeylêke şorişgirê bînan ci de estê, yenê nuştişî...

 

Beşo tewr balkêş yê romanî Akademîya Zanabîyayîşî bî. Xeylêk qehremanan ûca de vîrameyî kom kerdê. Seba vîrameyîşêke merdiman ûca de bibo, ganî merdim tehmê wextî biciwîyo. Coka nê her kesî hewl dayêne ke wext biciwîyê. Her serebûto ke ameyêne ciwîyayîş ameyêne mehnakerdiş, ameyêne waştiş mezgan de, zerran de bêro kendiş. Seba nê rojnuşte ameyêne nuştişî, nutiqî ameyêne nuştişî û yewbînan ra ameyêne vatişî. Nê nuşteyan de qetî Zana bîbî.

 

Rayberî zanayêne ma bê vîrameyîş ameyê verdayîş...

 

La nika nê wareyê azadîye de heta quwetê  ma yê ciwîye, heta quwetê ma yê fehmkerdişî bibo ma vîrameyîşan kom kenê.

 

Wexto wesayîto ke Zana ardêne, bala ma heminan; çimê ma,  goşî û zerra ma verê xo dayîne ê wesayîtî. Derdor bêveng mendêne. Kesê ke nêwaştêne çîyêke biremno. Wexto merdim derdorî ra ewnayêne heme zerrî bîne yew.

 

Nizdîbîyayîşê Abdullah Ocalanî hemverê merdiman de

 

1996î de Rayberê Ciwananê Şorişgêr ê Tirkîyayî ra rojnamegerêke ame akademîye. Amancê ey o ewil rayberîyî dir pêvînayîşêke bikero û şêro Ewropa bi. Zanayî her meyman daxilê dersan kerdê û roportajê xo derdorê derse de bi dîyalogan kerdê. No rojnameger, ewilî lingê xo dayê serê linge, cixara antêne. O roniştêne la Zana serê payan de bî. No ma rê balkêş ameyîne. Ma kewtêne endîşeyan û ma vatêne gelo Zana seba nê çi fikirêno? Ma bi meraq  ewnayêne ci ra. Ma vatêne gelo do rojnamegerî aya bikero? Nê, nêkerdêne. Tu tewirêke bala Zanayî nêantêne, yanê wina asayêne. O zî sey heme meymananê Zanayî destnêdayîşê ey bîbî. Asaye bî ke ma do musayîşê nê bibîyêne.

 

Rojê ke peynîyê nê de komêke embazî Zanayî dir seba Futbolî kaybikerê vejîyayî seha. No meymanê ma zî hemverê Zanayî de kay kerdêne. Mi Zana seyr kerdê. Mi vatêne do nizdîbîyayîşê ey hemverê raqîbî de, do senîn bo? Sehaye de êdî no rojnamegêr û sîyasetmedarêke, di tutî bîbî. Zanayî ci dir yarîyî kerdê, goge mîyanê lingê ey ra girewtê. No mabênî de zî zaf huwayêne. Hîsê ma zî serobino bî. Her kes huwayêne.

 

Çîyo ke tewr zêde erje dayîne embazî bi

 

A roje ra nata rojnamegerê ma kewt mîyanê heme dîyalog û bernameyê ma. Zaf yarî kerdêne û hende zî cidî bi. Nimûneyêk tewr cidî û bi kêf ameyîne ramojnayîş. Rojnamegerê ma zî bê îqaz, bê rexne sey embazê bînan ameyîne û şîne. wexto ke bi Zana sir qisey kerdêne, wuştêne serê lingan. Mi bi çimanê xo dîne ke embazîya bi Zana dir merdimî  çiqas ciwan, kêfweş û rêzdar keno.

 

Tutîtî îxanetê xeyalê xo nêkerd 

 

Çîyo ke tewr zêde Zana erje dayîne, embazî bî. Zana embazîya xo de, tutî de mendiş, waştêne. Tutîyê zerrîya xo her tim da ciwîyayîş. Bi çimê pakîtî û zelal yê tutêk ewnîya. Seba nê zî çimê Zana her wext sey  cewherêke madenî beriqyayîne.