KOBANÊ - Îdarekara Meclîsê PYDyî yê kantonê Kobanî Nesra Derwîş derheqê hêrişê dewleta tirkî yê serê Vakur û Rojhelatê Sûrîye de dîyar kerd ke dewleta tirkî wazena kurdan qir bikero û vat: "Dewleta tirkî hêrişê xo bi rengêke cîya dewam kena. Coka ma hemverê îşxalkerdişî û şîdetê tekoşînî pîl bikerê."

 

Dewleta tirkî destpêkê Şorişê Rojawanê Kurdistanî de bi metodê tewir bi tewir hêrişê mintiqayê Vakur û Rojhelatê Sûrîye keno. Dewleta tirkî hewl dana bi hedefgirewtişê welatijan, cinî, tut, rayber û îdarekaran sîstemê Îdarekarîya Xoser lawaz bikero û tersnayîş mîyanê komelî de vila bikero. Derheqê babeta Îdarekarîya Meclîsê Partîya Yewîya Demokratîke (PYD) ya kantonê Kobanê Nesra Derwîş erjnayîş kerd û erjnayîşê xo ard ziwan.

 

'Dewleta tirkî wazena kurdan qir bikero'

 

Nesraye destpêk de wina vat: "Sey yeno zanayîş ke pêameyîşê Lozanî ver bi peynîbîyayîşî şino. Seba nê hêrişê xo tewr zêde serê kurdan keno, tewr zêde hêrişê xo serê rêzê sînorê Rojawanê Kurdistanî keno. Cîyayîyê nêkeno mîyanê dewe û bajaran tena hêriş keno. Hêrişê dewleta tirkî bi her hawayî, reyke bi obîsan, reyke bi teyareyan bêmerdim û bi tanq û topan sivîlan hedef gêna. Bi her tewir hêrişan dir wazena şarê kurdî çin o û qir bikero."

 

'Ma hemverê îşxalkerdiş û şîdetê tekoşînî pîl bikerê'

 

Nesra Derwîş qiseykerdişê xo wina qedêna: "Verê çimanê temamê dinya de ma dî senîn Rûsya de şerê Efrînî de Efrîn ra vejîya û tu pawitiş şarî rê nêkerd. Eynî wextî de şerê Serêkanî de Amerîka xo dûr vist ke dewleta tirkî Serêkanî îşxal bibo. Dewletê ke nê mintiqa de manenê serê bingehê pawitişê şarî û mintiqa de tu qerar yan zî helwest hemverê nê hêrişan de nîşan nêdayê, belê tena berjewendîyê xo serê heqê şarî de kenê û destek danê nê hêrişan. Ma wayîrê 12 hezar şehîdan ê û tu wextt bi nê hêrişan ma gamanê xo peyser biancê, ma şarê kurdî serî perwerdeyê Rayberê Abdullah Ocalanî û ma do heta peynî xo ver bidê. Ma hemverê îşxalkerdiş û şîdetî, tekoşînî pîl bikerê."