KOBANÊ - Hemsereka Tevgerê Komela Demokratîke ya Herêma Firatî Hedle Hesen dîyar kerd ke bi 23 serrî yo tecrîdo giran serê Rayberê PKKyî Abdullah Ocalanî de yeno kerdiş û vat: "Raşt o Rayber Apo bi hawayêke fîzîkî verê ma de nîyo, la ma serê fikr û felsefeyê ey de ciwîyenê."

 

Komployê mîyanneteweyî ke hemverê Rayberê PKKyî Abdullah Ocalanî de 9ê teşrîna verêne 1998 de dest pêkerd û 15ê Sibata 1999 de Abdullah Ocalan teslîmê dewleta tirkî ame kerdiş. Derheqê komployê mîyanneteweyî de Hemsereka Tevgerê Komela Demokratîke ya Herêma Firatî Hedle Hesen ajansê ma rê qisey kerd û ercnayîş kerd.

 

'Amancê komployî çinkerdişê şaran o'

 

Hedlê destpêkê qiseykerdişê xo de bale ant serê  komployê hemverê Rayberê PKKyî Abdullah Ocalanî ê  9ê teşrîna verêne 1998î û vat: "Sey ke yeno zanayîş, no komplo tena bi destê dewleta tirkî nêbi, engişte xeylê dewletan nê komployî de bî. Amancê nê komployî tena tepiştişê  Rayber Apo nêbi, amancê înan nê komployî de çinkerdişê fikir û felsefeyê Rayber Abdullah Ocalanî yo. Sewbîna çinkerdişê şarî kurdî zereyê nê komployî de yo. Demo ke no komplo serê Rayber Apo de ame kerdiş, waştêne şarê kurdî qir û çin bikero."

 

'Waştî projeyê neteweya demokratîke birijnê'

 

Hedlê dewam de wina vat: "Projeyê Netewa Demokratîke ya ke Rayber Apo ma rê awan kerd, tena şarê kurdî mîyanê xo de bi ca nêkeno, sîstemêo ke mîyanê xo de bi ca keno, sîstemê Netewa Demokratîke şarê ereb, tirk, aşûr, xiristiyan, armen û heme pêameyîşan ko keno. Seba nê waştî ke bi komplo, hem projeya netewa demokratîke birijnê û hem zî çinkerdişê şarê  azadîwaşte bikerê."

 

'Ma nê komployê serê Rayber Abdullah Ocalanî qebûl nêkenê'

 

Hedlê tewr peyîn wina vat: "Kesê aştîwaşteyî, Rêxistinê Heqê Merdiman, ê kesê ke vengdayîşê heqan kenê, heta nika tu safîkerdişî seba Rayber Apo peyda nêkerdî. Bi 11 mengî yo tu xebere rewşa fîzîkî ya Rayber Apo ra çin a. Omidê ma ê kesê vengdayîşê heqê merdiman kenê yan zî behsê hizûr û aştîya dinya kenê, seba azadkerdişê Rayber Apo ma hîna zêde xebate bikerê. Tewr tay ma bieşkê şertê tecrîdî bivurnê û xebere ci ra bigîrê. Tewr peyîn zî sey şarê kurdî lazim keno ke ma rêxistin û xebatê xo serê fikir û felsefeyê Rayber Apo de tewr zêde kûr û xurt bikerê."