MERKEZÊ XEBERAN - Bîrsen Karsa ke Almanya de tedawîyê qanserî vînayne û Qirkerdişê Zîndanan ra 19ê Çileyî de bi saxî feletîyabî dinyaya xo bedilna. 

 

Qirkerdişê 19ê Çeleyê 2000î de ke dewleta Tirkî hemverê tepişteyê ke duştê zîndanan ê Tîpê Fyî de grevê vêşanî de bî, kerd Bîrsen Karse bi giranî birîndar bîbî. Qenalê 'Halkın Sesi Tv' malûmat da ke Bîrsen Karse bi serran o  şaristanê Stûttgartî yê Almanya de tedawîya qanserî vînayne, dinyaya xo bedilna. 

 

Bîrsene serra 1992yî  de wexto ke wendekarê Muhendisîyê Endustrîyî yê Unîversîteya Stenbolî bî, o wext çalakîyêke de amebî destbendkerdiş û 15 serrî cezaya zîndanî ro ci amebî birnayîş. Bîrsene wextê qirkerdişîyê 19ê Çileyî de vatêne 'Ma şeş cinî bî, bi saxîyî ma veşînayî û bi birînêke giran ma esparê ambulanse kerdî'. Bîrsene bi sîlehê kîmyayî yî ameyê suxulnayîş û îşkenceyo giran nêweşîya qanserî kewte. Beşêke yo pîl zî serê Bîrsen Kars de, destê aye û paşta aye vêşa bî.