MERKEZÊ XEBERAN - Seba dersa weçînayîşî ya kurdî, ewro roja peynî ya.

 

Mektebanê Tirkîya de seba dersa weçînayîşî ke wendekarê sinifa 5,6, 7 û 8ine dersa kurdî zî amebî daxilkediş û seba muracatî zî 21ê Çeleyî sey roja peyîn amebî dîyarkerdiş. La serê waştişê şarî û waştişê medyaya komelî no wext heta 7ê sibate amebi dergkerdiş. 

 

Heta na roje bi seyan wendekarê kurdî seba xo dersa kurdî weçînayî.

 

Seba ke tutê kurdî na derse biweçînê, sere de hemserekê Partîya Demokratîke ya Şaran (HDP) Pervîn Buldan û Mîthat Sancar vengdayîşê weçînayîşê dersa kurdî kerdibî.

 

Ewro seba ke roja peynîya muracatê na derse ya, serê medyaya dîjîtalî de vengdayîşê weçînayîşê derse dewam keno.