MERKEZÊ XEBERAN - Bi koçê globalî dir sunnetkerdişo xedar ê cinîyan Ewropa de zêde beno. Almanya de goreyê texmînan sunnetkerdişê cinîyan tesîr serê  75 hezar kesî de kerdo û yeno dîyarkerdiş ke bi hezaran cinîyê ciwanî binê tehluke de yê.

 

Almanya de goreyê texmînan sunnetkerdişê cinîyan zêde bîyo û yeno dîyarkerdiş ke dorê 20  hezar cinî bi nê tehlukeyî dir rî bi rî yê. Sazgehê hetkarîya bi nameyê Planî derheqê sunnetkerdişê cinîyan de kitabêko qij weşêna.

 

Kathrîn Hartkopf ke vervatoxa Planî ya vat, “Tirakerdişê goştê genîtal ê cinîyan binpaykerdişê heqê merdiman o. Ganî cinî û tutê ke nê çî înan rê tesîr kerdo, bi tena nêrê verdayîş."

 

Plan Internatîonal serra 2003 û nata ra Misir, Etiyopya, Bûrkîna Faso, Gîne, Gîne-Bîssaû, Malî û Sîerra Leone zî tede xeylêk welatanê Afrîka de hemverê sunnetkerdişê cinîyan de kampanya dewam kenê. Rêxistine seba awankerdişê merkezê şêwirmendî hetkarî kena û seba yê ke verê sunnet bîyê zî çimeyê ekonomî yê alternatîf awan kena.