Rabîa Onver

 

WAN - Hemsereka DBPyê Wanî Gulderen Varli da zanayene ke serê komployê mîyannetewî yê hemverê Rayberê PKKyî Abdullah Ocalanî de 23 serrî derbas bîyo û vat: "Komplo ro aştî, edaletî û seyyewbînîye rê ameyo kerdiş. Ma sey partîya mintiqayî sey cinîyê Kurdan nê komployî qebûl nêkenê." 

 

Komployê mîyanneteweyî yê 9ê Teşrîna Verîne ya 1998î de dest pêkerd û 15ê Sibate ya 1999î de Rayberê PKKyî Abdullah Ocalanî ke hetê Seferatxaneyê Kenyayê Yewnanîstanî ra ame remnayîş û teslîmê Tirkîya ame kerdiş. Serê komployî ra 23 serrî derbas bî, pêwa nê polîtîkayê şerî û tecrîdî hema zî dewam kenê. Hemsereka DBPyî yê Wanî Gulderen Varlî derheqê komployî de erjnayîş kerd. 

 

‘Ma do têkoşîn pîl bikerê’

 

Gulderene vat, serê komployî de 23 serrî derbas bîyo û komplo wina şermezar kerd: "Ma cinîyê Kurdan tu reyêke komployî qebûl nêkenê û dîyar kenê ke do duştê komployî de heta ke bêrayê Îmralî nêro akerdiş do têkoşîna xo bidomno. Wexto merdim ro komployê 15ê Sibate ewneno, vîneno ke komplo netîceyê hemkarîya hêzê mîyanneteweyî de ameya ca."

 

‘Ma qebûl nêkenê’ 

 

Gulderene wina dewam kerd: "Komployê  Mîyanneteweyî yê hemverê  Abdullah Ocalanî do veng vejîyo. Ma sebebê prosesê komployî zanenê. Rêberî wayîrê paradîgmaya ke seba Rojhelatê Mîyanîn bî umîd. Bi nê komployî zî waştî ke derbe bidê şarî ro. Komplo ro aştî, edaletî û seyyewbînîye ameya kerdiş. Ma sey partîya mintiqayî û cinîyanê Kurdan qebûl nêkenê." 

 

‘Çareserkerdiş Îmrali yo’

 

Gulderene vat adresê çarevînayîşê problemê ke yenê ciwîyayîş Îmralî yo û nê çîyî ardî ziwan: "Ma heme zanenê ke çarevînayîş Îmralî yo.  Ma vînenê ke şar duştê her zilmî de û tehdayê dorkerde de wurzenêwe serê payan. Ma nê komployî şermezar kenê. Ganî pêvînayîş  Îmralî dir bêro ca." 

 

‘Îşkence rûmetê merdimîye rê kenê’

 

Gulderene peynî yê qiseyanê xo de bale ante serê binpaykerdişê heqan ê zîndanan de û tecrîdî û wina peynî ro ci ard: "Tecrîdê serê Rayberîyî, asasî de serê heme komele de yeno ca û bi xusûsî zî serê Kurdan de. Zîndanan de rûmeta merdimîye rê îşkence yeno kerdiş. Ganî Wezareta  Edaletî bi lezkî wezîfeyê xo bîyaro ca."