MERKEZÊ XEBERAN - Meclîsê Şarî yê Mexmûrî hemverê hêrişê dewleta tirkî yê serê Şengal, Kampa Mexmûrî û bajarê Dêrikî yê Vakur û Rojhelatê Sûrîye dîyar kerd ke kurdî zilm û dagirkerî qebûl nêkenê.

 

Tirkîya de şewa bîn Şengal, Kampa Mexmûrî û bajarê Dêrikî yê Vakur û Rojhelatê Sûrîye bi hawayêke hemwext bombavaran kerd. Şarê Mexmûrî vernîya Nêweşxaneyê Şehîd Hogirî de kom bî û hêrişê Tirkîya şermezar kerdî.

 

Hemserekê Meclisê Şarî yê Mexmûrî Yûsûf Kara çalakî de qisey kerd û vat: "Birîndarê ma estê labelê hûmara înan baş nîna zanayîş. Teyareyê keşfî hema zî serê wargehî de gêrenê. Vengdayîşê ma seba şarê kurd û kurdê bi rûmet oyo ke hemverê nê hêrişan wayîrê vindertişêke rast bê. Beşdarê çalakîyan bibê. Ma nê zilm û dagirkerî qebûl nêkenê. Ma do wurzê serê lingan."

 

Yûsûf dîyar kerd ke vernîya hêrişî ceyranê wargehî ameyo visnayîş û dimayê hêrişê zî ceyran reyna ame birnayîş.