MERKEZÊ XEBERAN - Mexmûr, Dêrik û Şengal hetê balafirê şerî yê Tirkîya ra ame bombavarankerdiş.

 

Teyareyê şerî yê Hêzê Çekdarî yê Tirkî (TSK) hêriş berdî serê Wargehê Mexmûrî, Dêrik û Şengalî. Goreyê xebera Rojnewsî de, dimayê hêrişan teyareyê keşfî hema zî serê Wargehê Mexmûrî de şinê û yenê.

 

Dêrik û Şengal ameyî bombavarankerdiş

 

Sewbîna ame dîyarkerdiş ke teyareyê şerî yê tirkî hawayî de hêriş berdî serê dewa Teqil ê qezaya Dêrikî ya Qantonê Cizîrî ya Vakur û Rojhelatê Sûrîye û Şengal zî.

 

Goreyê melumatê ke kewtî dest, xeylêk teyareyê şerî 20 rey hewayî de hêriş berdî serê dewa Şîlo, Barî, Kûrs û Çilmîra yê Şengalê zî. 

 

Vizêr hela şanî xeylêk teyareyê şerî  Amed ra rawuştî.