AMED - Komeleya Kultur û Hunerê MED-DERî bi amancê şermezarkerdişê astengkerdena duştê  deyîranê Kurdî de Kuçeyê Hunerî de deyîrê Kurdî vatî.

 

Vizêrî Papûra Îstîklalî ya Taksîmê Stenbolî de wexto hinî ciwanan bi Kurdî  deyîrî vatêne, polîsan ê asteng kerdîbî. Serê na serebûte de hetê komele ra xeylêk reaksîyonî û razînêbîyayîşî caameyî. Amancê şermezarkerdişê astengkerdena duştê deyîranê Kurdî de; Komeleya Kultur û Hunerî û Komeleya Cigêrayîşî ya Kultur û Ziwanî yê Mezopotamyayî (MED-DER) Kuçeyê Hunerî yê  girêdayîyê semta Ofîsî ya qezaya Yenîşehîrê yê şaristanê Amedî de deyîrê Kurdî vatî.

 

Xeylêk cinî, hunermendî û roşinvîrî têreyde kom bîyî û pêwa deyîrê Kurdî govendî antî. Nê semedî ra dîyayîşkîyê renginî vejîyayî meydan û a çalakî hetê şarî ra eleqeyêk pîl vîna.