Şîrîn Çinar

 

Kirklar Dagi ke qezaya Sûrî ya Amedî de yeno waştiş bi serê nameyê serekê pêroyê MHPyî daristanêke bêro viraştiş. Hetê Walî Munîr Karaoglû ra ke sey qeyûmî tayînê Şaredarîya Şaristanê Girdî yê Amedî bîyo, yeno waştişî ke daristanêke bêro awankerdiş û seba nê 210 donimî erd ameyo texsîskerdiş. Sewbîna coka nameyê Dewlet Bahçelî zî hetê Amedî û sazgehan ra reaksîyonî ameyî kerdiş.

 

Hemsereka HDPyî ya Amedî Gulîstan Atasoy derheqê daristano ke Kirklar Dagi de  yeno waştiş ke bi serê nameyê Devlet Bahçelî de  bêro viraştiş de erjnayîş kerd û vat şar duştê nê yo.

 

'Kirklar Dagî cayêko muhîm o'

 

Gulîstane bale ante serê muhîmîya Kirklar Dagî yê mintiqayî û da zanayene ke  daristano ke yeno waştişî bêro viraştiş, hêrişê tarîxî kenê û wina derg kerd: "Polîtîkayê şerê xusûsî yo ke Amed û Kurdistan de warê komelkî û kulturî yeno ca, ganî çerçewayê sîyasî de bêro erjinayîş. Na noqteye de wexto ma behsê nasnameyî, kulturî û tarîxî bikerê, cayêko Kirklar Dagî ci de yo, fotoxrafê tarîxî û nasnameyê Amedî yo. Vera nê zî yew cayêko tewr muhîm ê Amedî yo."

 

'Ganî hewldayîşê ekonomîyî û rantî bêro redkerdiş'

 

Gulîstane dewamkerdişî de diyar kerd ke  hetê Walî Munîr Karaoglû ra 210 donimî erd ameyo xespkerdiş û no eynî wextî de çinîkerdişê tarîxî û hiş zî amanc kenê. Gulîstane raksîyonê xo wina vat: "Hewldanê rantî û ekonomîyî yê hemverê sey warê tarîxî yê sey Kırklar Dagî, ganî bêro redkerdiş. Daristano ke yeno waştişî bi serê nameyê Devlet Bahçelî de bêro awankerdişî polîtîkayê şerê xusûsî ra xoser nîyo. Seke yeno zanayene ke verî zî ameyêne vatiş do warêke darî ci de bêro ramitişî û bibo Daristanê Fetîh î. Senîn ke bi dayîşê nameyê Fetîh polîtîkayê zanabîyaye yeno kerdiş, nê zî eynî çîyî yenê kerdiş."

 

'Caardişo ke hêrsê şarî zafêr keno yeno kerdiş'

 

Gulîstane dîyar kerd ke seba nameyê Devlet Bahçelî  210 donimî erd texsîs kerdo zî ferasetêke fetîhkî yo û wina dewam kerd: "Duştê nê polîtîkayan ganî organîzebîyayîş bêro avêreştiş. Cayo ke wina tarîxî de dayîşê nameyê Devlet Bahçelî hetêke ra, awanîyêka dayîşê nê nameyî hetê şarê Amedî ra nîno waştiş. Devlet Bahçelî zî no baş zaneno. AKP-MHP nê baş zanenê. Pêwa nînan bi israr wazenê nameyê Devlet Bahçelî ronê. No caardiş hêrsê şarî zafêr keno. No hêrişê ke yo hemverê erjê komelkî yo."

 

'Ma zelalê û bi qerarê'

 

Gulîstane peynîyê qiseyanê xo de vat ke sîyaseto ke Devlet Bahçelî caano, sîyasetêke hemverê şarê Kurdî û Amedî rêzdar nîno ramojnayîş û wina peynî ci ard: "No di wexto bi destê qeyûmî yeno tayînkerdiş, hewl yeno dayîş ke tarîxê şaristanî bêro çinîkerdiş. Nê hetî de reaksîyonê şarî yê cidî estê. Vera nê zî no nameyo ke yeno fikirîyayîş beno ke, walî û qeyûman de bimano. La do nêbo nameyo ke ro Kırklar Dagi yeno dayîş, na babete de ma zelalê û bi qerar ê. Qeneatê ma zaf zelal o. Ma seke HDP destûr nêdanê hewldananê winayinan. Ma do organîzebîyayîşê xo bidomin.