Rabîa Onver

 

WAN - Dayîkê Aştîye derheqê tecrîdê giran yê serê Rayberê PKKyî Abdullah Ocalanî de qisey kerdî û dîyar kerdî ke ganî tecrîd peynî bibo û tepişteyê nêweşî serbest bêrê veradayîş

 

Tecrîdo giran yê serê Rayberê PKKyî Abdullah Ocalan dewam keno û bi 10 aşmî yo bi tu hawa zanayîş ci ra nîno girewtiş. Avûkat û keyeyî seba pêvînayîşî muracat kenê la nê muracatî nînê cewabkerdiş. Polîtîkayê tecrîdê giranî yê serê Rayberê PKKyî de dewam keno û sewbîna zîndanan de zî binpaykerdişê heqan roj bi roje zêde benê.

 

Endamê Meclîsê Dayîkê Aştîye yê Wanî reaksîyon vera tecrîdê serê Rayberê PKKyî Abdullah Ocalan dayî û dîyar kerd ke ganî no tecrîd peynî bibo.

 

‘Wa pêvînayîş bêrê kerdiş'

 

Dayîka Aştîye Perîşan Aslan vat, tu xebere Rayberê PKKyî Abdullah Ocalanî ra nîna girewtiş, no nêeşkeno bêro qebulkerdiş û ganî  avûkatî pêvînayîş bikerê. Perîşane dewam de wina vat: “Ma Dayîkê Aştîye bi serran o semedê aştî bê na herra Kurdistanî hewl danê. Tena seba xo ney, heme welatî rê aştîye wazenê. Rayberê ma bi serran o zîndan de yo û demêk derg o nêeşkeno bi keye û avûkatanê xo dir pêvînayîş bikero. Ma bi serran o xeberêke ci ra nêgirewta. Yewin waştişê ma pêvînayîş bêro kerdiş. No zulm o, ma nê zulmî qebûl nêkenê.”

 

‘Ma heme rewşa weşîya ey meraq kenê’

 

Perîşane wina dewam kerd: “Ma nê tecrîdî qebûl nêkenê. Êdî bes o, do heta key wina dewam bikero. Ma wazenê Rayberê xo ra xeberêke bigîrî. Ma weşîye ci mereq kenê. Heme zîndanan de zî zulm esto. Tepişteyê nêweşî nînê dermankerdiş. Zîndanan de zulm yeno kerdiş."

 

‘Wa tecrîd bêro wedaritiş'

 

Dayîka Aştîye Hatîce Akdogan zî wina vat: "Ma dayîkê Aştîye êdî nêwazenê çîyêk bi kesî bibo. Serê tepişteyan de tecrîd bêro wedaritiş. Nînê dermankerdiş. Ma wazenê tepişteyê nêweşî bêrê dermankerdiş û berê veradayîş. Ma rayberî ra zanayîş nêgînê. Ganî avûkatî lez bêrê veradayîş. Ma veng danê wezîrê dade. Wa tepişteyê nêweşan vera bidê, tecrîd wedarnê."