RIHA - Emîne û Ferît Şenyaşar yê ke têkoşînê xo yê  edaletî dewam kenê, "Ma nêzanê ke Abdulhamît Gul îstifa kerdo yan zî kar ra ameyo dûrvistiş, la gunayê bi milonan kesî milê ey de yo."

 

"Nobeta Edaletî" ya Emîne Şenyaşar ke Pirsûsê Rihayî de 14ê Hezîrana 2018ine de mêrde û di lajê aye zî hetê qorîcîyan û merdimê Parlamenterê AKPyî Îbrahîm Halîl Yildiz ra ameyî qetilkerdiş û lajê ci Ferît Şenyaşar  serebûtî de bi birîndarî xelas bi, roja 328ine de dewam kena.

 

‘Guneyê bi mîlyonan kesî milê ey de yo’

 

Keye ke seba peynîya hewteyî nobeta xo banê xo de dewam keno û vat: "Abdulhamît Gul îstifa kerdo yan zî  wezîfe ra ameyo girewtiş, ma nêzanê la gunayê bi milyonan kesî milê ey de yo. Wezîrê verê reyna cayê xo girewt. Kesî girîng nîyê, sey komel lazimîya ma bi edalet esto. Rayîrê ma edalet o. Merdimî berê Edliyeyê Rihayî ewnîyenê.”