Ayşe Guney 

 

MERKEZÊ XEBERAN -  Îmzaya Serekkomarî nîmeyê şewe de agahînameyê 'Fealîyetê Çapemenî û Weşanxaneyî' ame weşênayîş û dimayê nê  çapemenîya azade rastê astengîyî ameye. 

 

Ez serê kompîtorî de seba nuştişê medyaya krîtîke ke  sername gêrayêne û mi vîna ke xeberê agahînameyî babeta 'Fealîyetê Weşanxaneyî û Çapemenîyî' yê bi îmzaya serekkomarî ameya weşênayîş (ma rê xerîb nîyo ke mîyanê şewe de îmza yena dayîş) ke serê keyepelê xeberan o. Çapemenîyê hetkarî ke hetê sîyakerdişê Sezen Aksû de mird nêbîyo, pey ra game eştêne yê  îqtîdarî na rey, verê xo da  xeberê ke muxalefetî û Sezene ardê hemverê yewbînan.

 

Sernameyê seke 'Maskeyê muxalîfan ame ronayîş: Vizêrî 'tesdîqkerdişo lîşin' Sezen Aksû!  Ewro 'Hunermende' Sezen Aksû' ameya serwîskerdiş. Dewaya verguman Onûr Gencer ke Denîz Poyraze qetil kerd zî bi manşetê seke  'Vergumanê cînayetê awanîya HDPyî hemverê hakimî' ame serwîskerdiş û qetilkerdiş sey serebûtê edlî ramojnayo. E, no sername aîdê Sozcu yo la wexto babete bena Kurdî senîn sîyasetî de benê muşterekî, çapemenîye de tena nê çapemenîya hetkare, çapemenîyê muxalîfan zî reyêke de xo ro nasnameyê xo yo rastî pêşenê. 

 

Pêwa deyîrbazê sey Sezene, Gulşene û Semra Guzel a ke HDPyî, rojnamegere Sedef Kabaş, Sevda Karaca û huqûqnase û aktivîsta heqê merdiman Eren Keskîn û heme cinî benê hedefê îqtîdarî û hetkarê ci. Serê çapemenîya komale de cinî tehdîd û hêrişan dir yenê rî bi rî û mêrdeyê verê berê înan de kom benê zî asayîşê ganê înan erzenê taluke. Cinîyê duştê nê tehdîdan sereyê xo çewt nêkenê zî verpersê înan 'Têkoşîna muştereke, Hetkarîye û eftarnayîş'. Duştê nê de atmosferê ke  paştdayîşî bîyarê meydan zî bêşik apey game eştiş mimkun o. 

 

Îqtîdar qise keno, çapemenî weşênena, mezgê mêrdeyî zî duştê cinîyan de çîyo hewce keno û bi  lêşinî bîyayîşê xo eşkerayê keso ke problemanê înan ê 'beka' bîyaye  keno. Nê prosesî de a şewe de agahîname ame weşênayîş.  

 

Agahîname de  bi vatişê seke 'programê televîzyonî yê duştê erjî de asasî yê komelkî yenê vînayîş û rojanê peynî de serê ekrananê televîzyonan de yeno mojnayîş û seba vera hetkarîkerdişê înan do gamî bêrê eştiş', programo 'Maske Kimsin Sen' ( Maske Ti Kam a/ê) Fox tv de yena nawîyayîşî bîyaro hişî zî, agahîname de bê mabên îbareyê  'Fealîyetê weşaneyê serê weşanxaneyan ê goreyê erjê manewî û netewî ney, seba gencan, tutan û keyeyan rê tehluke yo û vernîtepiştişê nê asasî yo' talîmatê cezakerdişê vernîyê azadîya çapemenî dano.

 

Îqtîdar bi destê RTUKî û BÎKî duştê çapemenîya azade û muxalîfe agahînameyê şerî dayo destpêkerdiş, asasî yo. Dimayê agahînameyê keyepelê çapemenîya Kurdî Xwebûn û Yenî Yaşamî ameyo astengkerdiş. Asayo ke derdê înan 'Maske Kimsin Sen' nîyo, çapemenîya azade ya meskeyê îqtîdarî nawo ro. Tepiştiş, destbendkerdiş, dewa, astengî, tehdîd na çapemenîya azade nêeciqneno. 2021î de JINNEWS  21 reyî ame astengkerdiş. La cinî  vatişanê xo hema zî vanê.

 

Qandê Sezen Aksû nêbo zî ez zî wazena bi çarane  peynîya nuştişê xo bîyarî;

 

Ti nêeşkenê rojnamegeran bêveng bikerê, tu nêeşkenê qeleman bişikinê. Bi tepiştiş, qedexeyan nêeşkenê bitersinê. Ma şar ê, ma heqîqet ê, ma tewrê zuranê xo mekerê.