RIHA - Emîne Şenyaşar a ke 'Nobeta Edaletî' gêna vat ke a wazena lajê mi serbest bêro veradayîş û wina dewam kerd: "Heta ke lajê mi vera nêdê ez verê edlîye de nobeta xo domnena."

'Nobeta Edaletî' ya kayeyê Şenyaşarî verê Edlîyeyê Rihayî de ke 9ê Adare ya 2021î de amebî destpêkerdişî roja 326ine de dewam kena. Emîne û lajê xo Ferît dimayê ke qeza ra ameyê verê Edlîyeyê Rihayî nobeta xo dewam kerd.

 

Emîne tîya de qisey kerd û dîyar kerd ke serrê ke yo verê edlîye yî de waştişê edaletî kenê. Emîneye seba lajê ci Fadil Şenyaşar serbest bêro veradayîş vat: "Wa êdî no zilm peynî bibo. Ma bi demserrîyan verê edlîye de ronişenê. Persêr ma nêvîneno. Êdî bes o lajê mi veradê!"

 

'Ez o verê edlîyeyî de çalakîya xo bidomnî'

 

Emîneye dîyar kerd ke kesê ke keyeyê aye qetil kerdê serbest gêrenê û wina vat: "Zimistan o ma nêweş ê. Vernî ke ez bimrî wazena lajê xo bivînî. Eke lajê mi vera nêdê, heta mergî ez o verê edlîyeyî de vinderî. Zilmêko pîl kerdo, zilmêko wina nêameyo vînayîş. Lajê mi zereyê dikanî de kişto."