Dilan Babat

 

Bi 10 mengî yo Rayberê PKKyî Abdullah Ocalanî Îmraliyî de binê tecrîdêko giran de yo, nêeşkeno keye û avûkatanê xo bivîno. Serekkomarê AKPyî Tayyip Erdogan rojê vîyarte de vatişê, "Do yê Edirneyî hesabo pîl bido Îmraliyî" kerdibi. Heto bîn ra bernamêyêkê TVyî de reyna vatişê derheqê Abdullah Ocalanî de kerdibi. Rojnamegeran persa "Şima vatibi Ocalan vatişê Demirtaşî ra aciz o, xeberêka wina esta?" Tayyip Erdoganî ra kerdibi. Tayyip Erdoganî zî vatibi, "Esto ke ez vana."

 

Hemverê vatişê Tayyip Erdoganî de zî cewabê, "Berê Îmraliyî abikerê wa ocalan qisey bikero." ame dayîş.

 

Parlamentera Partîya Demokratîke ya Şaran (HDP) ya Agirî Dîrayet Dilan Taşdemir derheqê tecrîdê Îmraliyî û vatişê Tayyîp Erdoganî de ercnayîş kerd. 

 

Rolê Abdullah Ocalanî

 

Dilane vat, demê peyîn de sîyasetê  "netewperwerî" kûr bîyo û wina vat: "Wazenê nê dir sîyasetêk awan bikerê û reyna motîvasyonê nê zî goreyê nê înkarê şarê kurdî, înkarê demokrasî û înkarê şaran o.  Seba rayîr sîyasetê aştîye bêro akerdiş tu game nîna eştiş. Seba pozîsyonê Îmraliyî yeno zanayîş, coka zî seba kaos kûr bikerê tecrîd zî kûr kenê. Ganî îmkanî bêrê awankerdiş ke  Birêz Ocalan bi komelî dir bikewo mîyanê têkilî û fikrê xo rayaumûmî dir pare bikero."

 

'Îqtidar bi xo zî safîkerdiş Îmraliyî de vîneno'

 

Dilane dewam de wina vat: "Meseleya aştî, meseleya şarê kurdî û têkiliyê Rojhelatê Mîyanên ê Tirkîya de rolê Birêz Ocalanî girîng o. Demo ke sîyaset yeno kerdiş û meseleyêke yena munaqeşekerdiş, her kes zano ke heta tewrbîyayîş û fikrê Îmraliyî nêro girewtiş, rayîrêk nîno vînayîş. Nê zî Serekkomar zano. Bi kûrkerdişê tecrîdî dir bi qirkerdişê serê kurdan sîyasetê tesfîye ame taqîbkerdiş. Rastîyêke îktîdarî yê vengvetişê projeyê înan ê 6 serran esto. Yeno famkerdiş ke îktidar bi xo zî safîkerdiş Îmraliyî de vîneno. Ma sey sîyasetî nê vatişî bi serran o kenê."

 

'Wa berê Îmrali abibo'

 

Dilane tewr peyîn wina vat: "Do dişminîyê hemverê kurdan peynîya îqtidarê bîyaro. Bi hewesê ma kurdan bîyarê rî bi rî sîyasetê xo kenê. No do bi netîce nêbo. Krîzo ke AKP na babete de kewto mîyan, AKP nêeşko derbas bikero. Waştişê  kurdan orte de yo. Misyonê Birêz Ocalanî werte de yo. Coka tu hemverê vatişê TVyan de yenê vatiş yê manipulator çin o. Wa berê Îmraliyî abibo û Birêz Ocalan vatişê xo rayaumûmî dir pare bikero. Fikrê Erdoganî ez eşkena vajî ke netîce nêbeno. Ma reyna vanê wa berê Îmrali abibo."