RIHA - Çalakîya 'Nobeta Edaletî'  ya Keyeyê Şenyaşarî 325 rojî yo domnena. Keyeyî ewro serê hesabê xo yê Medyaya Dîjîtale de nê mesajî dayî: "Emîne Şenyaşar 325 rojî yo hemverê şîdetî de xover dana. Şîdetê hemverê cinî, şîdetê hemverê însanîyetî yo."

 

Emîne Şenyaşar ke 14ê Hezîrane ya 2018î de qezaya Pirsûsî yê Rihayî de mêrde û di lajê aye hetê merdimanê parlementerê AKPyî Îbrahîm Halîl Yildiz ra ameyî qetilkerdiş, pêwa lajê xo Ferît Şenyaşar ke hêrişî de birîndar bîbî, çalakîya xo ya verê Edlîyeyê Rihayî de dewam kenê. Çalakîye ke 9ê Adare ya 2021î de dest pêkerd, roja 325ine de ya.

 

Keyeyî ewro serê hesabê xo yê Medyaya Dîjîtale de nê mesajî dayî: "Xeylêk tewirî şîdetî esto. Yew înan ra  'Bêedaletî' yo. Riha de cinîyêk (Emîne Şenyaşar) 325 rojî yo hemverê şîdetî de xo ver dana. Şîdetê hemverê cinî, şîdetê hemverê însanîyetî yo. Fek nê şîdetî ra vera bidê."