Rozerin Gultekin

 

STENBOL - Avûkate Jîyan Tosûn têkilîya qerarê teqîbnêkerdişî yê derheqê  gerreyê sûcî yê Garîbe Gezer e duştê  'hêrişê cînsî' de da zanayene cipersayîşêk raste rast nêameyo kerdiş,  îfadeyê şahidan asas nêameyo girewtiş, delîlî zî çinî ameyê hesibnayîş û vat: "No nîşan dano ke dosyaya mergî senîn netîce bena."

 

Avûkata Garîbe Gezere  1in Zîndanê Tîpê Fyî yê Kandirayî yê Kocaelîyî de ameyêne tepiştişî  îşkence û tecawuzî ro ci ameyê kerdiş û dima ra 9ê Çileyî de amî qetilkerdiş,  derheqê  wezîfekarê zîndanî de vera sûcê 'hêrişo cînsî yo zanaye,  îşkence, îhmalê wezîfekaran, derbaskerdişê sînorê îdareyî dir  tehda'  gerreyê sûcî kerd. Sewbîna avûkate derheqê hekîm, Îsmaîl Ulker de zî vera sûcî  'xebitnayîşê îdareyî  bi tewirêke xirab' gerreyê sûcî kerd. La belê xêcê ke cipersayîşêk verhîra bêro kerdiş derheqê nê de qerarê teqîbnêkerdişî amebî dayîş. Avûkatan ra Baroyê Huqûqî yê Hetkarîyî yê duştê Tecawuzî û Desteştişê Nezaretî de Eren Keskîn, Jîyan Kaya û Jîyan Tosûn ke duştê qerarê teqîbnêkerdişî yê Serdozgerîya Komare ya Kandirayî de  5ê Çileyî de waştişnameyê îtîrazî dabî  2yîn Dadgeha Cezaya Sulhî yê Kocaelî. La belê dadgerîye bi lezkî qerarê dewayî  'ca de vîna' û muracatê avûkatan ê ke 18ê Çileyî de kerd bî, red kerd.

 

Avûkatî do dosya berê AYM

 

Avûkatanê Garibeye amadekarî kenê ke dosya berê AYM. Avûkatanê dosya ra Jiyan Tosun, derheqê babete de ajansê ma rê erjnayîş kerd. Jiyane vat: "Seba îdareyê zîndanî pak vejîyê, no cipersayîş bi hawayêke lezgîn ame peynîkerdiş."

 

Avûkatî îfadeyê gardîyanan û  îdarekarê zîndanî nêgirewtê!

 

Serê vatişanê Garîbeye ra avûkatê aye 4ê Teşrîna Verîne ya 2021î de derheqê wezîfekaranê zîndanî de gerreyê sûcî kenê. Jîyane da zanayene ke tehqîqat dimayê Garîbe cuya xo bedilna yo dest pêkerd o  û vat la belê cipersayîşo ke ameyo kerdiş zî ser ra ameyo kerdiş û tena seba ke bêro vatiş ke ha yo ameyo kerdiş ca ameyo. Jîyane bi nê fînakan ard ziwan ke senîn tehqîqat raste rast nêameyo kerdiş: " Îfadeyê şahidan kemî ameyo girewtiş. Îfadeyê Asya ya waya Garîbeye nêameyo qirewtiş. Persêrî îfadeyê gardîyanan û îdarekaranê zîndanî nêgirewt. Coka ma nêeşkenê vajê no tehqîqatêke raste rast o

 

'Çîyê ke ameyî serê Garibeye ameyî sansurkerdiş'

 

Jiyane dîyar kerd dozgerî îdia kerdo ke Garibeye çîyê ke ameyê serê aye nêvato, labelê vernîya nê de Garibe waşta 16-17 mektuban bişawo labelê nê ameyê sansurkerdiş û wina vat: "Garibe bi mektuban waşto ke waşta bi sereyê aye de ameyê qal bikero la no ameyo astengkerdiş. Dozgerî tena cewabê îdareyê zîndanî esas girewtê. Cipersayîş tena serê nê de ameyo kerdiş."

 

'Cipersayîşêk bêhet nîno kerdiş'

 

Jîyane wina vat: "Vanê ke nê kesî endamê rêxistine yê û sûcê înan ê bîn yew bi yew yenê hûmartiş, la rêze îfadeyê înan ra nîno girewtiş û vatişêk înan ê goreyê ehlaqî çin o. Seba sûcê ke dosyaya cipersayîşê de yeno sûcdarkerdiş, yenê muhakemekerdiş bi hawayêke eşkere nîşan dano ke cipersayîşêk bêhet nêameyo kerdiş. La îfadeyê kesêk ke dosya de sûcê edlî yenê muhakemekerdiş dosya de ameyê bicakerdiş û netîceyê cipersayîşî zî sey îfadeyê kesê ke uca de yenê muhakemekerdiş, ameyo girewtiş û ê kesî vanê, 'Ez fikrîyaya ke beno ke seba dewleta ma sîya bikerê, eşkenê çîyê wina bikerê' û bi îfadeyê kesêk ke tu eleqeyê ci bi serebûtî çin o, îtîbar yeno kerdiş û nê îfadeyî kenê dosya. La şahidê bînan ra bi tu hawayî rêze nêameyo girewtiş.”

 

'Zîndan ra cewabê persan nêameyo dayîş'

 

Jiyane wina vat: "Garîbe çend saetan hucereyê bi sunger de ameya tepiştiş? Cewabê na perse mîyanê cewabê ke hetê îdarekarîyê zîndanî de ameyê şawitiş de çin o. Îdayê îşkence û muameleyê xirab zî nêvînaye yenê."

 

'Şahidan zûreker vetî'

 

Jîyane dîyar kerd ke sûcê hêrişê cinsî xeylê xo cayê girewte de yenê kerdiş û vat: "Ê qawûşê dûrî de manenê û nêeşkenê bieşnawê ke erd ra ameya kaşkerdiş. Garîbe dima ra embazanê xo rê qal kerdo çi ameyo sereyê ci. Derheqê nê sûcê hêrişê cinsî de, xora qerarê Dadgeha Berzî esto ke ganî dimayê hêrişê vatişê serebûtî esas bêro girewtiş. Labelê dozgerî vano ke serebûtêk wina çin o, no zûrê îdarekarîyê zîndanî rê ameyo kerdiş û seba dewleta me sîya bikero. Seba ke dewleta me şermezar bikero nê çî kena."

 

'Dîmenê odaya bi sûnger çin o'

 

Jiyane wina qal kerd: "Dosya de dîmenê 2 deqîqe, deqîqeyêke û nîm û yê demê ke Garîbe kaş kerdê, ameyê antiş. Xêrcê nê tu dîmen çin ê. Odaya bi sunger odayêka 24 saetan yena taqîbkerdiş, la tu dîmenê ci çin ê. Dimayê ke oda ameye pakkerdiş, fotograf antê. Tîya de sûcdar îdarekarê zîndanî yo. Dîmenê ke ameyê visnayîş û îdarekarîyê zîndanî goreyê berjewendîyê xo şawitê. Dimayê ke qerarê nimitişî serê dosya ra ame wedaritiş, demo ke ma şî û dosya girewt, ma dî ke CDya dîmenî şikinayî ya."

 

'Pêvînayîşê ma yenê goşdarîkerdiş  gelo?'

 

Jîyane wina bale ant serê serebûtî: "Dozgerî nêzano ke muwekîle avûkatanê xo ra çi vato. Seba ke qeydkerdiş û goşdarkerdişê nê pêvînayîşan qedexe yo. Ma persenê gelo şima pêvînayîşê ma qeyd kenê û bi dizdî goşdarî kenê? Ma nê zî nêzanê. La dozgerî zano ke muwekîla ma, ma ra çi vato."

 

Delîlan nêwaştê bivînê

 

Jîyane dîyar kerd ke Dadgerîya Sulh Cezaya 'gorê usulî vînayê' û dosya pada ya û delîlan nêdîyê. Jîyane wina vat: "No nîşanê ma danê ke dosyayê merdişî senîn bi netîce benê. Seba ke qerar ameyo dayîş, ma êdî nêeşkenê muracatê tu cayî bikerêbidin û coka ma do muracatê Dadgeha Bingehîn bikerê."