RIHA - "Nobeta Edaletî" ke hetê Emîne û Ferît Şenyaşar ra ameya destpêkerdiş roja 324ine de dewam kena.

 

Emîne Şenyaşar ke 14ê Hezîrana 2018ine qezaya Pirsûsî ya Rihayî de mêrde û di lajê ci hetê merdimê parlamenterê AKPyî Îbrahîm Halîl Yildiz ra ameyî qetilkerdiş, pêwa lajê xo Ferît Şenyaşar ke hêriş de birîndar bî, çalakîya xo ya verê Edliyeyê Rihayî de dewam kenê. Çalakîya ke 9ê Adara 2021 de dest pêkerd, roja 324ine de ya.

 

Keyeyî serê hesabê xo yê Twîterî de nê mesajî pare kerd: "324 rojî yo ma waştişê edaletî kenê. Gelo no edalet do key bêro? Yê ke hemverê nê zulmî de bêveng manneê do vînî bikerê."